Тэрилтэлэр уонна биирдиилээн дьон экэнэмиичэскэй үлэлэриттэн аҕыйах ахсааннаах хотугу норуоттарга кэмпэнсээссийэ төлөнөр буолуоҕа. Бу туһунан “Парламентская газета” иһитиннэрэр.
Маныаха туһааннаах уларытыыны бэҕэһээ Госдумаҕа “О гарантиях прав коренных малочисленных народов РФ” ФС киллэрдилэр уонна бүтэөиктээх ааҕыыга ылыннылар. Хоромньу хайдах төлөнүөхтээҕин миниистирдэр кэбиниэттэрэ бэрээдэктиир.
Докумуоҥҥа сурулларынан, аҕыйах ахсааннаах төрүт олохтоох омуктар сирдэригэр-уоттарыгар, кинилэр төрүт хаһаайыстыбаларыгар тэрилтэлэр уонна биирдиилээн дьон хоромньу таһаарбыт буоллахтарына, кэмпэнсээссийэ быһыытынан харчы төлүүр буолуохтара.
Докумуоҥҥа сурулларынан, аҕыйах ахсааннаах төрүт омуктар таба иитиитигэр, балыктааһыҥҥа, бултааһыҥҥа уонна сир аһын хомуйуутугар хостуур тэрилтэлэртэн сылтаан олус улахан кээһэниини, хоромньуну көрсөллөр, инньэ гынан ону матырыйаалынай өттүнэн толуйар уолдьаспыт.
2010 сыллааҕы биэрэпис көрдөрбүтүнэн, дойду үрдүнэн 316 тыһ. аҕыйах ахсааннаах төрүт олохтоох омуктар бэрэстэбиитэллэрэ олороллор, сүрүннээн (80 бырыһыан) Сибииргэ, Уһук Илиҥҥэ уонна Уһук Хоту түөлбэлээн олороллор.
