Бу сыл 7 ыйын түмүгүнэн, “Саха сирин тимир суоллара” Акционернай хампаанньа Беркакит-Томмот тимир суол хайысхатынан 4,1 мөл. туонна таһаҕаһы таспыт. Ити былырыыҥҥытааҕар 42 бырыһыанынан улахан. Бу туһунан хампаанньа пресс-сулууспата иһитиннэрэр.
Былырыыҥҥыга холоотоххо, хампаанньа таһаҕас бары көрүҥэр көрдөрүүтүн улаатыннарбыт. Ол курдук, 3,1 мөл. т. таас чоҕу таспыттар (+59%), табаары – 57,2 тыһ. т. (+30%), контейнердаах таһаҕаһы –170,4 тыһ. т. (+3%), ньиэп бородууктатын – 389,31 тыһ. т. (+15%), таһаҕас атын көрүҥнэрин – 157,3 тыһ. т. (+14%).
