Киирии

Киирии

ОДьКХ үлэһиттэрин хамнаһын үрдэтэр туһунан дуогабарга эбии сөбүлэҥи баттастылар. Бу туһунан Саха сирин профсойуустарын федерациятын пресс-сулууспата иһитиннэрэр.

Тэрилтэ холбоһуктаах профсойууһун бэрэссэдээтэлэ Сергей Анисимов иһитиннэрбитинэн, үлэһиттэр хамнастарын үрдэтиигэ улахан үлэ ыытыллыбыт. “ОДьКХ үлэһиттэрин хамнаһын үрдэтии боппуруоһа көтөҕүллүбүтэ ыраатта. Бу кэм устата баар боппуруоһу быһаарыыга улахан үлэ ыытылынна. ОДьКХ уонна энергетикэ миниистирин Дмитрий Садовников өйөбүлэ тирэх буолла. Кини боротокуол мунньаҕар кыра хамнастаах үлэһиттэр хамнастарын үрдэтэр туһунан санаатын эппитэ. Онон ОДьКХ салалтатын көмөтүнэн үлэ тиһэҕэр тиэрдилиннэ. Инньэ гынан, тарыып ыстаапкатын үрдэтэр чааһыгар тарыып сөбүлэҥэр уларыйыылар киирдилэр. Манна тирэҕирэн тэрилтэ коллективнай дуогабарыгар эбии сөбүлэҥи бэлэмнээтибит. Онон, балаҕан ыйын 1 күнүттэн өрөспүүбүлүкэ үрдүнэн биһиги үлэһиттэрбит хамнастара үрдээтэ”, —  диэн тэрилтэ профсойууһун бэрэссэдээтэлэ Сергей Анисимов иһитиннэрдэ.

ysia.ru

Тарҕат:

Комментарии

Защитный код Обновить