Саха сирин бырабыыталыстыбата уонна “Росатом” судаарыстыбаннай корпорация аччыгый кыамталаах атомнай электроыстаансыйалары (АСММ) тутарга бииргэ үлэлэһэр туһунан сөбүлэҥи түһэристилэр. Ити АСММ РИТМ-200 диэн саҥа реакторнай тэрил баазатыгар тутуллар.
Сөбүлэҥҥэ өрөспүүбүлүкэ баһылыга Айсен Николаев уонна “Росатом” генеральнай дириэктэрэ Алексей Лихачев илии баттаатылар.
Докумуоҥҥа АССММ Саха сиригэр ханна тутуллуохтааҕа, тэхэньичэскэй уонна экэнэмичэскэй боппуруостарга, бырайыактыыр-көрдүүр үлэни ыытыыга, бырайыак үп моделын оҥорууга бииргэ үлэлэһэр туһунан этиллэр.
АСММ тутулуннаҕына өрөспүүбүлкэ нэһилиэктэригэр уонна бырамыысалыннас тэрилтэлэригэр хаачыстыбалаах электроэнергияны биэриигэ төһүү буолуохтаах. Итиэннэ Саха сирин социальнай-экэнэмиичэскэй сайдыытыгар оруоллаах буолара саарбахтаммат.
АСММ дьоҕус уонна модульнай буолуохтаах, түргэн кэм иһигэр туруоруллар уонна куттал суоһаабатын курдук саамай үрдһк ыстандаартар тутуһуллубуттар.
“Росатом” судаарыстыбаннай корпорация дойдуга саамай бөдөҥ тэрилтэ, кини дойдуга электроэнергия тахсыытын 18,7 бырыһыанын хааччыйар.
