Киирии

Киирии

Ил Дархан Айсен Николаев ТАСС-ка иһитиннэрбитинэн, Уһук Илиҥҥэ эдэр ыалларга 2%-наах ипотека бырагырааматын киллэрии, өрөспүүбүлүкэҕэ тутуу ырыынагын күүһүрдэр кыахтаах.

Дойду бэрэсидьиэнэ Владимир Путин бу ый саҥата буолан ааспыт Илиҥҥи экономическэй форумҥа, Уһук Илиҥҥэ эдэр ыалларга аналлаах 2%-наах ипотека бырагырааматын киллэрэр туһунан эппитэ. Бу бырагыраама быйылгыттан үлэтин саҕалыахтаах.

2%-наах ипотека бырагырааммата Саха сиригэр тутуу ырыынагын өссө күүһүрдүө дии саныыбыт. Тутуу хампаанньалара ону олус күүтэллэр. Миэхэ хампаанньалар салайааччылара тахса сылдьан, бу бырагыраамма хаһан олоххо киирэрин ыйыталаһаллар. Тоҕо диэтэххэ, 5%-наах ипэтиэкэни ылаары сылдьыбыт ыаллар тохтоон, саҥа бырагыраамма үлэлиирин күүтэ сылдьаллар”, – диэн Ил Дархан иһитиннэрэр.

Ону таһынан, Саха сирэ тутуу ырыынагын сайыннарыыга Уһук Илиҥҥэ бастакы миэстэҕэ сылдьарын бэлиэтээтэ. Инньэ гынан, бырабыыталыстыба өттүттэн тутуу хампаанньаларын өйүүр миэрэлэр наадата суохтар. Ол да буоллар баар кыһалҕалары таарыйда. “Хомойуох иһин, үгүс муниципалитеттарга административнай харгыстар бааллар. Муниципалитеттар тутууга көҥүл биэриигэ көхтөөх буолуохтарын наада”, – диэн Айсен Николаев эттэ.

Тарҕат:

Комментарии

Защитный код Обновить