Киирии

Киирии

Саха сирэ “2019-2025 сс хаарбах туруктаах дьиэлэртэн дьону көһөрүү” өрөспүүбүлүкэтээҕи бырагыраамманы үлэлэтиигэ эбии 18 млрд солк ылыаҕа.

2025 сыл балаҕан ыйын 1 күнүгэр өрөспүүбүлүкэ 36 оройуонугар уопсайа 3,5 тыһ тахса хаарбах туруктаах дьиэлэри (1 мөл 142 тыһ км м) суох гыныахтара. 25 тыһ тахса ыалы көһөрүөхтэрэ. Бу туһунан СӨ тутуу министиэристибэтин пресс-сулууспата иһитиннэрэр.

Тутуу миниистирин солбуйааччы Евгений Афанасьев бэлиэтээбитинэн, манна эрдэ 60 млрд солк үп ууруллубут.

РФ тутуу министиэристибэтэ бигэргэппит 1 кв м нормативнай сыанатын, 58 тыһ солкуобайтан 70 тыһ солк диэри үрдэтиигэ өрөспүүбүлүкэ салалтатын күүстээх үлэтин түмүгүнэн эбии 18 млрд солк көрүлүннэ”, – диэн Евгений Афанасьев иһитиннэрэр.

Бырагыраамма чэрчитинэн дьону хаарбах туруктаах дьиэлэртэн көһөрүүгэ үбүлээһини көрүү үс көрүҥүнэн оҥоһуллар: олорор дьиэни тутааччылартан ылыы; иккис ырыынактан дьиэ ылыы; бас билээччилэргэ көһөр дьиэлэрин суотугар төлөөһүн.

“2019-2025 сылларга хаарбах туруктаах дьиэлэртэн дьону көһөрүү” бырагыраамманан өрөспүүбүлүкэ үрдүнэн хаарбах туруктаах дьиэлэр 30 бас билээччи кэмпэнсээссийэлэрин ылбыттар. Олортон 15 Дьокуускай куорат олохтоохторо.

2020 сыл бүтүөр диэри бырагыраамма үлэтин бастакы түһүмэҕэр, 85,78 кв м хаарбах дьиэлэртэн көһөрүү былааннанар.

 News.Ykt.Ru

Тарҕат:

Комментарии

Защитный код Обновить