“Дороги Саха” САУо өрөспүүбүлүкэ бүддьүөтүттэн тутуу страховкатыгар диэн сокуоннайа суохтук 1,9 мөл. солк. ылбыт. Бу туһунан СӨ Борокуратуурата иһитиннэрэр.
Борокуратуура биллэрэринэн, “Дороги Саха” уонна “Саха сирин автомобиль суолларын Управлениета” ГКУ суолу тутарга судаарыстыбаннай хантыраак түһэрсибиттэр. Онуоха хантыраакка тутууга араас кутталтан страховкаланар курдук страховка харчытын көрбүттэр.
Оттон сокуон быһыытынан үлэ иһин страховканы бэдэрээччит бэйэтэ уйунуохтаах, инньэ гынан бүддьүөт харчытын страховкаҕа туһаныы — сокуону кэһии буолар. Ол иһин, борокуратуура орооһон, 1 мөл. 923 тыһ. солк. сокуону кэһэн туран көрүллүбүт харчыны бүддьүөккэ төттөрү төнүннэрдилэр.