Киирии

Киирии

Өрөспүүбүлүкэҕэ нэһилиэктэр инфраструктураларын сайыннарыыга олохтоохтор оҥорбут бырайыактарын көрүү түмүктэннэ.

Куонкурус түмүгүнэн, кыайыылааҕынан тахсыбыт 451 бырайыакка өрөспүүбүлүкэ бүддьүөтүттэн 500 мөл. солк. көрүөхтэрэ.

Киирбит бырайыактар уопсай суумалара 694,2 мөл. солк. тэҥ. Маныаха бырайыак 40 %-нын (194,2 мөл.) субсидия быһыытынан олохтоох бүддьүөттэн көрүөхтэрэ, 51,7 мөл. солк. тахсаны нэһилиэнньэ угуоҕа, итиэннэ спонсордар 36,6 мөл. солк. үбүлүөхтэрэ. Арассыыйа Минфинэ маннык кыттыһан үбүлээһини биһириир.

 chur

  Бэрэсидьиэн Путин олохтоохтор көҕүлүүр бырайыактарын өйүүргэ этии киллэрбитин Саха сирин олохтоохторо сэҥээрдилэр.

  Кинилэр бырайыактара суһаллык нэһилиэктэри тупсарыыга туһуламмыттар, инньэ гынан ордук тоҕоостоох кыһалҕалары быһаарар кыахтаахтар.

2018 сылга өрөспүүбүлүкэ үрдүнэн маннык бырайыактары дьүүллэһэр уопсай мунньахтарга 165 тыһ. киһи кыттыбыт. Бу бырайыактар олоххо киирэр нэһилиэнньэлээх пууннарыгар 586 тыһ. киһи олорор (409 муниципальнай тэриллиилэртэн сайаапканы 372 нэһилиэк уонна Жатай куораттааҕы уокуруга түһэрбит).

kachikat

Санатар буоллахха, ааспыт сылга маннык хамсааһыны пилотнайдык үлэлэтэргэ өрөспүүбүлүкэ бүддьүөтүттэн 31,8 мөл. солк. көрүллүбүтэ, оттон эбии 21,2 мөл. солк. олохтоох бүддьүөттэн, нэһилиэнньэ уонна спонсордар биэрбиттэрэ. Былырыын кыайбыт 32 бырайыактан 19-һа номнуо олоххо киирбит, онтон атына сотору кэминэн түмүктэниэҕэ. Олохтоохтор бэйэлэрэ көҕүлээһиннэринэн култуура кииннэрэ, бибилэтиэкэлэр, спорт саалалара өрөмүөннэннилэр, уулуссаҕа баар спорт-былаһааккалар уонна пааркалар тупсаҕай көрүҥнэннилэр. Маны таһынан хас да нэһилиэккэ ититии, уу систиэмэтэ тардылынна.

vil

Олохтоохтор көҕүлүүр бырайыактара үлэҕэ киириитэ ордук суолталаах уонна көдьүүстээх. Инньэ гынан, быйыл балтараа тыһыынчаттан тахса сайаапка киирдэ. Онтон кыайыылаах тахсыбыт 450 бырайыактан 173-э ититии уонна уу систиэмэтин эбийиэктэрин тутууга туһуламмыт, 104 – оҕо уонна спорт былаһааккаларын тутууга, 64 – территорияны тупсарыыга, 41 – култуура тэрилтэлэрин өрөмүөннээһиҥҥэ, 25 – анал тиэхиньикэ атыылаһыыга, 8 – сибээс өҥөтүн оҥорууга уонна 38 араас бырайыактары олоххо киллэриигэ туһуламмыттар.

Тарҕат:

Ырытыыгын суруй

Защитный код
Обновить