2019 сылга федеральнай бүддьүөт 19,970 триллион солкуобайтан 204,7 млрд солкуобайынан аччыаҕа, онуоха ороскуот 195,8 млрд солк. улаатыаҕа уонна 18,489 триллион солкуобайга тэҥнэһиэҕэ. Маннык уларытыыны Госдума кэлэр мунньахха көрүөҕэ.
Бу иннинэ үп миниистирин бастакы солбуйааччы Татьяна Нестеренко Федерация Сэбиэтигэр билиҥҥи бүддьүөт кээмэйэ тус экэнэмиичэскэй конъюктураҕа балаһыанньа ыараан уонна аан дойду экэниэмикэтин улаатыыта бытаарбытыттан сылтаан уларыйар диэбиттээх. Инньэ гынан, ньиэп сыаната биир баррельга 63,4 дуоллартан 62,2 дуолларга дылы түспүт. Ол иһин ньиэптэн кирэр дохуот 398,5 млрд солк. аччаабыт.
Сыл бүтүүтэ инфляция 3,8 бырыһыаҥҥа тэҥнэһиэҕэ. 2019 сылга ньиэп-гаас дохуота 193,8 млрд солк. улаатарын сылыктыыллар. Ити улаатыы нолуоктан ккиирэр үптэн уонна бүддьүөт тобоҕуттан киирэр үбү кытары сибээстээх. Бу туһунан “Парламентская газета” иһитиннэрэр.
