“Алроса” хампаанньа сэтинньи ыйга Израильга Рамат-Гане куоракка ыытыллыбыт норуоттар икки ардыларынааҕы аукциоҥҥа, 10,8 караттан үөһэ ыйааһыннаах алмаастар атыытын түмүгүн таһаарда.
Хампаанньа 116 алмааһы (уопсайа 1800 карат) атыылаабыт. Инньэ гынан, 8,6 мөл долл киллэрбит. Аукцион кыттыылаахтара Израиль, Бельгия, Индия, ОАЭ, Арассыыйа, Гонконг уонна АХШ хампаанньалара.
“Ааспыт аукциоҥҥа бөдөҥ алмаастарынан дьарыктанар Израиль хампаанньалара эрэ буолбакка, атын дойдулартан атыылаһааччылар эмиэ кытыннылар. Биһиги 121 кыттааччыны регистрациялаатыбыт. Туор ситиһиилээхтик ааста. Көрдөрүллүбүт алмаастартан 75% атыыланна. Онон сыалбытын ситистибит”, – диэн “Алроса” хампаанньа дириэктэрин солбуйааччы Евгений Агуреев иһитиннэрдэ.
Хампаанньа Арассыыйа сокуонунан норуоттар икки ардыларынааҕы аукционнарга бөдөҥ алмаастары (10,8 караттан үөһэ ыйааһыннаах) атыылыыр. Сыл аайы Москубаҕа, Владивостокка, Антверпене, Рамат-Гане, Гонконг, Нью-Йорк куораттарга уонна Дубайга бэйэлэрин былаһааккаларыгар 30-ча аукциону ыыталлар. Оттон Израильга туор сылга алтата ыытыллар.
Алроса, yakutia24.ru/
