50 тыһыынчаҕа диэри киһилээх нэһилиэнньэлээх пууннарга үлэлиир култуура дьиэлэрин субсидиятын кээмэйин бигэргэттилэр. Үбүлээһин материальнай-техническэй базаны бөҕөргөтүүгэ уонна өрөмүөҥҥэ туттуллуоҕа.
Бу туһунан уурааҕы олунньу 17 күнүгэр буолбут СӨ миниистирдэрин мунньаҕар ылыннылар. Нуормаламмыт быраап аактатын бырайыагын култуура уонна духуобунай сайдыы миниистирэ Юрий Куприянов түһэрдэ.
Субсидия 2020 сылга өрөспүүбүлүкэ бүддьүөтүттэн тыырыллыаҕа. “Ол курдук 20 нэһилиэнньэлээх пуун кулууптарын материальнай-техническай базаларын саҥардыыга 24 мөл солк, биэс кулууп өрөмүөнүгэр 5 мөл солк үп көрүллүөҕэ”, — диэн бырабыыталыстыба пресс-сулууспатын иһитиннэриитигэр суруллар.
