Киирии

Киирии

РФ Бырабыыталыстыбатын бэрэссэдээтэлэ Дмитрий Медведев муус устар 1 күнүттэн биэнсийэ индексацияланарынан, бүддьүөттэн 10 млрд солк. биэрэллэрин туһунан быһаарыыны ылыммытын иһитиннэрбит.

Биэнсийэни индексациялааһын сыл ахсын ыытыллар. Муус устар 1 күнүттэн социальнай биэнсийэ 1,029 кээписиэнинэн индексацияланыаҕа. Бу индексация дойду үрдүнэн 4 мөл. киһиэхэ сыһыаннаах буолуоҕа. Маны таһынан, социальнай биэнсийэ үрдүүрүттэн көрөн, атын да төлөбүрдэр үрдүүр чинчилээхтэр.

РФ Үлэҕэ уонна социальнай сайдыыга министиэристибэтэ муус устар 1 күнүттэн социальнай төлөбүр 2,9 % индексацияланыа диэн иһитиннэрбитэ. Бу индексация 3,9 мөл. биэнсийэлээҕи хабыаҕа, ол иһигэр 3,1 мөл. киһи – социальнай биэнсийэни ылааччылар. Индексация түмүгүнэн, социальнай биэнсийэ 255 солк. улаатыаҕа уонна 9 тыһ. 062 солк. тэҥнэһиэҕэ.

Тарҕат:

Ырытыыгын суруй

Защитный код
Обновить

Бүтэһик сонуннар