Бу сыл муус устар 1 күнүттэн РФ бырабыыталыстыбатын уурааҕынан, социальнай биэнсийэ кээмэйэ 6,1 % үрдүөҕэ. Бу туһунан СИА-ҕа Биэнсийэ пуондатын Саха сиринээҕи салаатын пресс-сулууспата иһитиннэрэр.
Социальнай биэнсийэ индексациятын кытта байыаннай сулууспалаахтар уонна кинилэр дьиэ кэргэттэрин, Аҕа дойду сэриитин кыттыылаахтарын, ону таһынан, радиационнай эбэтэр техногеннай алдьархайтан эмсэҕэлээбит дьон биэнсийэлэрэ үрдүөҕэ.
Санатар буоллахха, социальнай биэнсийэ сааһынан страховой стаһа уонна биэнсийэ коэффициенэ эбэтэр ситэтэ суох буоллаҕына бэриллэр. Ону таһынан, социальнай биэнсийэни стаһа суох 1,2, 3 группалаах инбэлииттэр, инбэлиит оҕолор, иитээччилэрин сүтэрбит оҕолор уонна төрөппүттэрэ биллибэт оҕолор ылаллар. Биэнсийэ пуондатын Саха сиринээҕи салаатын көрдөрүүтүнэн, социальнай биэнсийэни ылар 28377 киһиэхэ индексация оҥоһуллубут .
