Былырыыҥҥыга холлоотоххо, Арассыыйа аптекаларыгар эмп-томп сыаната 9 % үрдээбит. Сыана ыарааһынын уонна дьон куттанан эми-тому олус дэлэйдик атыылаһан хаһааммытын түмүгэр, аптекалар былырыыҥҥытааҕар 46 % үгүөрү үбү хоторбуттар.
Ырытааччылар этэллэринэн, аҥаардас кулун тутар ый иккис аҥаарыгар эрэ, эмп сыанатыгар инфляцияттан, сыана 2 % үрдээбит. Ол эрээри, кулун тутар уонна ыам ыйдарыгар, дьон таһырдьа сыбыытыыр кыаҕа уонна эми атыылаһар харчыта суох буолан, сыана түһүөн сөп.
