Войти

Войти

Хамсыгынан сибэстээн Арассыыйа олохтоохторун баһыйар өттө дьиэттэн тииһинэн олорон, дистанционно үлэлииргэ күһэлиннибит.

Дойду тутулуга суох профсойуустарын Федерацията (ФНПР) Арассыыйатааҕы социальнай-үлэ сыһыаннаһыыларын үс өрүттээх хамыыһыйатыгар Арассыыйа олохтоохторо дьиэттэн олорон үлэлииргэ ыыппыт уот харчытын, интэриниэт, төлөппүөн сибээһин, көмпүүтэр бырагыраамаларыгар туһаммыт харчыларын төлөтөргө диэн Үлэ Кодексатыгар уларытыылары киллэрэр туһунан этии киллэрбит. Бу ороскуоту биир киһиэхэ 3 тыһ. солк. сыаналаабыттар.

“Быстах кэмҥэ дьиэттэн тииһинэн олорон үлэлиир кэмҥэ Үлэ Кодексатыгар уларытыылары киллэрэр туһунан докумуоҥҥа этиллэр. Онно үлэһит үлэни биэрээччини кытары эбии сөбүлэҥи түһэрсэн, сибээс өҥөтүн иһин туһаммыт ороскуотун кэмпэнсээссийэлэтэр бэрээдэгэ киирбит”, - диэн “Известие” хаһыат суруйар.

Маны таһынан, докумуоҥҥа хас үлэ күнэ ааҕыллара, үлэһит хаһан уонна хайдах отчуоттуура, үлэни биэрээччини кытары ханнык сибээс канаалынан сибээстэһэрэ уо.д.а. дьиэттэн тииһинэн үлэлиир кэм балаһыанньата чопчу ыйыллыбыт. ФНПР бэлэмнээбит сокуон барылын билигин дойду үлэҕэ уонна социальнай харалтаҕа министиэристибэтин исписэлиистэрэ үөрэтэ сылдьаллар.

Тарҕат:

Добавить комментарий

Бүтэһик сонуннар