Войти

Войти

Тыа хаһаайыстыбатын үөрэҕин кыһаларын бүтэрбит эдэр исписэлиистэр тыа сиригэр баран үлэлииллэрин көҕүлүүр сыалтан, СӨ бырабыыталыстыбата үс сыл устата ыйдааҕы эбии төлөбүрү көрбүтэ.

Маннык төлөбүр “2012-2020 сс. Саха Өрөспүүбүлүкэтигэр тыа хаһаайыстыбатын уонна бэйэ оҥорон таһаарыытын сайыннарыы” судаарыстыбаннай бырагырааманан тыа сиригэр ТХПК, бааһынай хаһаайыстыбаҕа үлэлиир эдэр исписэлиистиргэ көрүллэр.

Быйыл олунньуга бу төлөбүр кээмэйин улаатыннарар уонна ону кимиэхэ биэрэри бэрээдэктиир, ирдэбиллэригэр уларытыылары киллэрэр туһунан Ил Дархан Айсен Николаев анал ыйааҕа тахсыбыта. Ол курдук, ТХПК уонна бааһынай хаһаайыстыба тыа хаһаайыстыбатынан дьарыктанар субъектар биир реестэрдэригэр баар буолуохтаах диэн буолбута. Эдэр исписэлиис ити тэрилтэҕэ үлэтэ сүрүн үлэтинэн буолуохтаах.  Эдэр исписэлиис «Инженерное дело, технологии и технические науки», «Сельское хозяйство и сельскохозяйственные науки», «Экономика и управление», «Юриспруденция» диэн үөрэҕи баһылаабыт буолуохтаах. Төлөбүр 9 тыһ. 15 тыһ. солк. диэри кээмэйдээх, кээмэйэ үлэһит чопчу ханнык үөрэҕи бүтэрбититтэн тутулуктаах.

Бүгүҥҥү туругунан, ыйдааҕы төлөбүрү 24 улууска тыа хаһаайыстыбатын салаатыгар үлэлии сылдьар 331 эдэр исписэлиис ылыаҕа.   

Тарҕат:

Добавить комментарий