“Олохтоох каадырдары – бырамыысалыннаска” бырайыак иитинэн, 2023 сылга диэри 4,4 тыһ. Саха сирин олохтооҕун тутуу тэрилтэлэригэр үлэннэн хааччыйыахтара.
Маныаха номнуо туһааннаах сөбүлэҥ икки тэрилтэни кытары түһэрсиллибит, ол чэрчитинэн үс сыл иһигэр 216 киһини үлэннэн хааччыйары былаанныыллар. Бу туһунан ТАСС суруйар.
“Быйыл бырамыысалыннаска эрэ буолбакка – экэниэмикэ атын салааларыгар – тутууга, суол хаһаайыстыбатыгар, энергетикаҕа уонна тырааныспарга олохтоохтору үлэннэн хааччыйыыга кэҥэтэн биэрдибит. Онуоха 25 хампаанньаны кытары сөбүлэһэн, олохтоохтору үлэлэтэргэ бырайыак оҥордубут. Ол иһигэр 18 – тутуу тэрилтэтэ, 7 – суол хаһаайыстыбатыгар үлэлиир хампаанньалар. Уопсайа 2023 сылга дылы тутуу тэрилтэлэригэр 4440 киһини, оттон суол хаһаайыстыбатыгар – 645 олохтооҕу үлэннэн хааччыйар соруктаахпыт”, - диэн нэһилиэнньэ дьарыктаах буолуутун судаарыстыбаннай кэмитиэтин бэрэссэдээтэлэ Степан Москвитин кэпсээбит. Быйыл суол тутуутугар уонна тутууга тиийбэт үлэһиттэри толорорго 200 үлэтэ суох киһини анал идэҕэ үөрэттэрбиттэр. Билигин 31 киһи суоппар араас категориятыгар үөрэнэ сылдьаллар эбит.
