Войти

Войти

Госдума үһүс ааҕыыга Арассыыйа Уһук Илини сайыннарыы министиэристибэтэ бэлэмнээбит Арктика зонатыгар үлэлиир инвестордарга чэпчэтиилэри көрөр сокуон барылын ылынна.


«Сокуон сүрүн бакыатыгар 2030 сылга диэри 6,7 трлн солк. итэҕэһэ суох Арассыыйа Арктикатын зонатыгар чааһынай инвестицияны тардарга диэн этиллибит. Ол 28 тыһ. саҥа үлэ миэстэтин таһаарыахтаах», — диэн этиллэр. Ол курдук, докумуоҥҥа сурулларынан,  Арктикаҕа 1 мөл. солк. итэҕэһэ суох инвестиционнай бырайыакка угар баҕалаах, бэлиэтэммит урбаанньыт резидент ыстаатыһын ылыан сөп, оччоҕо нолуокка уонна нолуога суох переференцияларга чэпчэтиилэринэн туһанар кыахтанар. Ол инвесбырайыактара, биисинэс-былаан быһыытынан угуллуохтаах харчы номнуо 25 бырыһыана олоххо киирэн, туһаныллыбыт буолуохтаах. Сокуоҥҥа Арктикаҕа үлэлиир резиденнэринэн кимнээх, хайдах быһыылаах буолуохтаахтара чопчу ыйыллыбыт. Тутууларга хайаан даҕаны экологическэй эспэртиисэ ыытыллыбыт буолуохтаах, уопсайынан, инфраструктураны сайыннарыыга туох тутуу ыытыллыахтааҕа эҥин барыта киирбит. Бу сокуон 45 күнүнэн күүһүгэр киириэҕэ.

Тарҕат:

Добавить комментарий