Киирии

Киирии

“Южная Якутия” урутаан сайдар сир саҥа тэрилтэни үлэлэттэ.

 

Бу тэрилтэ Уһук Илини сайыннарыы бырайыагын чэрчитинэн саҥа тэрилтэни арыйыыга 104-нэн буолла. Инаглинскай уонна Денисовскай хайаны байытар комплексы үлэлэтэр ”СГТ-Восток” ХЭУо диэн баар буолла. Бу тэрилтэ чоҕу хостууру бэлэмнииргэ бэдэрээт үлэтин ыытыынан дьарыктаныаҕа. Кинилэр комплекснайдык ылсан, былааннаммыт чоҕу намтатыллыбыт үлэ уонна үп ресурсатын туһанан хостуур сыаллаахтар. Маныаха чоҕу хостуур сирдэргэ куттал суоһаабатын курдук дьаһаналлар.

“СГТ Восток” генеральнай дириэктэрэ Евгений Белоус бэлиэтииринэн, хампаанньа сакаас быһыытынан туох баар аһаҕастык хостуур ньыма үлэлэрин бэлэмнээн биэрэллэр.

Бу инвестициялаах бырайыагы олоххо киллэриигэ 441 мөл. солк. суумаҕа 23 хайа тиэхиньикэтин атыыласпыттар. Komatsu уонна Atlas Copco мааркалаах бульдозердары, сири үүттүүр станоктары, карьер самосвалларын номнуо үлэлэппиттэр. Тэрилтэҕэ саҥа 152 үлэ миэстэтэ тахсыбыт. Тэрилтэ салгыы өссө да тиэхиньикэ ылар былааннаах. Бу бырайыагы толору үлэлэтиигэ 1,9 млрд солк. үп угуллубут. Маны сэргэ, тэрилтэ тиэхиньикэлэри өрөмүөннүүр, саппаастары аҕалар буолуоҕа.

Саҥа тэрилтэ Нерюнгри чугаһыгар Чульмаканскай таас чохтоох сир Арҕаа учаастагын илиҥҥи чааһыгар үлэни ыытыаҕа. Резидент сылга 10,8 мөл. куб. хайа боруодатын хостуур былааннаах. Онтун сыллата улаатыннаран, 13 мөл. тиийэ хостуурга дьулуһуоҕа.

Тарҕат:

Ырытыыгын суруй

Защитный код
Обновить

Бүтэһик сонуннар