Өлүөнэ күргэтэ тутуллуохтаах сиригэр түбэһэр сир учаастактарын уонна хамсаабат баай-дуол эбийиэктэрин былдьыыр уонна ону атыылаһан ылар боломуочуйалаах тэрилтэни бүгүн бырабыыталыстыбаҕа быһаардылар.
Сир уонна баай-дуол сыһыаннаһыыларын миниистирин э.т. Павел Иванов концессионнай сөбүлэҥ чэрчитиэн күргэни тутуу бырайыагын олоххо киллэрэргэ өрөспүүбүлүкэ судаарыстыбаннай тэрилтэ өттүттэн сир учаастактарын былдьаан баран концессионерга биэриэхтээҕин бэлиэтээтэ. Маннык тэрилтэннэн “Служба государственного заказчика Республики Саха (Якутия)” ГКУ буолла. Бу боломуочуйаламмыт тэрилтэ быйыл былдьаныахтаах сирдэри уонна бырайыакка түбэспит тутуулары атыылаһарга туһааннаах үлэлэри ыытыаҕа. Маныаха бүддьүөттэн быйылгы сылга 57 мөл.солк. көрдүлэр. Бу туһунан Ил Дархан уонна бырабыыталыстыба пресс-сулууспата иһитиннэрэр.
