Войти

Войти

Ил Дархан Айсен Николаев 2020 с. от ыйын 7-19 күннэригэр Москубаҕа Арассыыйа бырабыыталыстыбатын кытта үлэтин түмүгүнэн, Саха сирин уталыйбат кыһалҕаларын быһаарыыга эбии 991 мөл. солк. үп кэлэрэ ситиһилиннэ.

  • РФ Бырабыыталыстыбатын ойуур баһаардарын утары охсуһууга Рослесхозка икки хайысханан 2,6 млрд солк. көрбүт от ыйын 18 к. 1875-№дээх дьаһалыгар, Саха сиригэр ойуур баһаардарын умулларыыга 180 мөл. солк уонна авиациянан кэтээн көрүүгэ 300 мөл. солк. көрүлүннэ. Урут баһаар умулларыыга олус кыра үп көрүллэр буоллаҕына, ити үп 1,5 мөл. га иэннээх ойуур умайарын умулларарга суоттанан ааҕыллыбыта дьаһалга сылдьар. Былырыын итиччэ кэриҥэ иэннээх ойуур умайбыта. Ил Дархан федеральнай былаастартан ханнык баҕарар үбүлээһин Саха сирин усулуобуйатын учуоттаан көрүллэрин дьаныһан туруорсааччы. Бу да сырыыга улахан уот туруон сөп диэн, саппааһыра этэн тылын ылыннарбыт диэн сэрэйиллэр.
  • Эмиэ ити күн тахсыбыт бырабыыталыстыба 1889-№дээх дьаһалынан, “Куттала суох уонна хаачыстыбалаах айан суоллара” бырагырааманан, Мииринэй оройуонугар “Анаабыр” суол 25 км усталаах учаастагын өрөмүөннүүргэ 248 мөл. солк. кэлэр буолла.
  • Оттон М.Мишустин 1873-№дээх дьаһала былырыын Дьокуускайга күөдьүйбүт, федеральнай кииҥҥэ тиийэ биллибит “Айыы кыһата” оскуола сахалыы үөрэтэрин иһин “кынчарыллыбыт” айдааныгар түмүктүүр туочука туруоруоҕа. Бу дьаһалынан 203 кыбаарталга 360 миэстэлээх саҥа оскуола тутуутугар 263 мөл. солк. ананна. Бу микрооройуоҥҥа икки оскуола арыллыыта төрөппүттэр кыһалҕаларын быһаарыа диэн эрэнэбит.
Тарҕат:

Добавить комментарий