Войти

Войти

СӨ Урбаанньыттар бырааптарыгар боломуочуйалааҕа Альбина Кычкина “Фейсбукка” Саха сиригэр урбаанньыт ахсаана биллэ аҕыйаабытын туһунан суруйар.

“Атырдьах ыйын 10 күнүнээҕи туругунан, өрөспүүбүлүкэбитигэр урбаанньыт ахсаана 10 %-нан аҕыйаата. Киһи онтон долгуйбат буолуон сатаммат. Онон кэтиир-маныыр-бэрэбиэркэлиир тэрээһини аҕыйатыахха наада”, - диир урбаан омбудсмена.

А.Кычкина этэринэн, уопсастыбаннай сэбиэт биир мунньаҕар урбаанньыттар сокуонунан мэктиэлэнэр бырааптарын көмүскүүр туһунан Роспотребнадзору кытта сөбүлэҥ түһэрсэргэ быһаарыммыттар.

“Хамсык кэмигэр хонтуруоллур-кэтиир уорганнар бэрэбиэркэлэрэ элбээбитинэн, дьоҕус уонна орто урбаан бэрэстэбиитэллэрин интэриэстэрин көмүскүүр туһугар Роспотребнадзорга боломуочунайы кытта сөбүлэһии түһэрсэргэ этии киллэрбиппит. Хонтуруоллуур-кэтиир тэрээһин боломуочунай кыттыылаах тэриллиэхтээх. Хас биирдии улууска урбаан омбудсменын приемнайа баар буолуохтаах”, - диир А.Кычкина.

Тарҕат:

Добавить комментарий