Войти

Войти

Саха сирин былаастара тыа хаһаайыстыбатын бородууксуйатын оҥорон таһаарыыччалары өйүүргэ саҥа механизмнары тобулаллар уонна эһиилгиттэн үүт сыанатын үрдэтэргэ туруналлар. Бу туһунан ТХМ иһитиннэрбит.

 "ТХМ 2021 сылтан сүөһү иитээччилэри өйүүргэ саҥа механизмнары тобулар. Билигин ыаммыт үүт лиитирэтин саамай кыччаабыта 45 солк. туталлар. Эһиилгиттэн тэриллиилээх хаһаайыстыбалартан (кээпэрэтииптэр, КФХ уонна да атын хаһаайыстыбалартан) ыаммыт үүтү лиитирэтин аччаабыта 60 солк. туталларыгар этиэхпит", - диэн ТХМ эппиттэр.

Маны таһынан, Саха сирин былаастара кэтэх хаһаайыстыбаҕа биир ыанар ынахха 35 тыһ. солк. субсидия көрөөрү гыналлар. Онуоха улуус баһылыктара, ТХМ, экэниэмикэ уонна үп министиэристибэлэрэ кыттыылаах оробуочай бөлөҕү тэрийбиттэр.

Бу иннинэ Юрий Трутнев олохтоох бородууксуйаны оҥорон таһаарааччылары үбүнэн өйүүргэ сорудахтаабыта.

Тарҕат:

Добавить комментарий

Бүтэһик сонуннар