“А-Проперти” хампаанньа бөлөҕөр киирэр “Эльгауголь” тэрилтэ Эльгатааҕы чоҕу хостуур комплекс аттыгар дьон куруук олорор бөһүөлэктэрин тутуоҕа. Бу туһунан Саха сирин бырамыысалыннаска уонна геологияҕа министиэристибэтин пресс-сулууспата иһитиннэрэр.
Күн-бүгүн хампаанньа үлэһиттэрэ уонна бэдэрээт тэрилтэлэрэ олорор бөһүөлэктэригэр бөдөҥсүтүү үлэтэ саҕаламмыт. Онуоха бөһүөлэккэ бастаан уу-хаар сүүрэр, канализация систиэмэтин оҥорон саҕалыахтара. Урукку систиэмэни сөргүтэргэ уонна саҥаны туруорарга 55 мөл. солк. ыытыахтара. Маны таһынан иһэр ууну ыраастыыр тэрили туруорарга 15 мөл. солк. көрөр былааннаахтар. Бу үлэни сыл бүтүөр дылы түмүктүөхтэрэ. Маны таһынан, Эльгатааҕы чох хостуур сир таһыгар икки саҥа бөһүөлэк дьэндэйиэҕэ: 6 тыһ. киһи олорор баахта бөһүөлэгэ уонна 20 тыһ. киһи олорор бастайааннай бөһүөлэк. Бу бөһүөлэккэ туох баар социальнай инфраструктура баар буолуоҕа. Билигин хампаанньа вахтовиктарга табыгастаах буоллун диэн аэропорт туттараары бырайыактыы сылдьар. Маны таһынан оскуолалары, уһуйааннары, поликлиниканы уонна да атын социальнай. Дьон сынньанар инфраструктуратын тутуоҕа.
