Войти

Войти

Күн-дьыл туруга уларыйбытынан, халлаан тымныйан кыдьымах киирэн эрэринэн, алтынньы 21 күнүттэн Дьокуускай-Аллараа Бэстээх хайысханан сылдьар паромнар сыаналара ыараата.

“Сыана, кырдьык, ыараата. Кыдьымах киирэн, фарватерынан улахан муустар ааһан эрэллэр, кэлэр-барар уустугурда, -- диэн “Летнранс” ХЭУо дириэктэрэ Любовь Корнеева кэпсиир. – Биһиги, саҥа мунньар сири (накопитель) туһанааччылар, тарыыппыт биир. Ол иһигэр “Первая паромная переправа”, “Вторая паромная переправа”, “Транссервис”, “Тентранс” хааччахтаммыт эппиэтинэстээх уопсастыбалар баарбыт. Сыананы Госкомцен быһар. Халбаҥнаабакка турбута түөрт сыл буолла”.

Сыана маннык ыараабыт: дьоҕус массыыналарга – 658-2 940 солк., таһаҕас тиэйэр, улахан массыыналарга – 3 450-56 820 солк., оптуобустарга – 4 420-7 875 солк., улахан, анал тиэхиньикэҕэ, ол иһигэр бульдзердарга, кырааннарга, о.д.а. – 29 300-44 105 солк.

Тарҕат:

Добавить комментарий