Войти

Войти

“АЛРОСА” АХ Саха Өрөспүүбүлүкэтигэр уонна да атын хампаанньа түстэнэн үлэлиир эрэгийиэннэригэр социальнай көҕүлээһиҥҥэ уонна инбэстииссийэлэргэ анаммыт care.alrosa.ru диэн, сонун саайты арыйда.

Бу маннык саайты үлэлэтэр бырайыак – “АЛРОСА” түстэнэн үлэлиир эрэгийиэннэригэр ыытар социальнай, аһымал санаа уонна экология бырайыактарын уонна тустаах эрэгийиэн сайдыытыгар ыытар көмөтүн туһунан киэҥник билиһиннэрэр; уопсастыбаннас уонна тустаах бырайыактары олоххо киллэриигэ эппиэттээх исписэлиистэр икки ардыларыгар быһачччы сибээһи олохтуурга көмөлөһөр; хампаанньа үлэлэтэр тыын суолталаах социальнай көҕүлээһиннэрин ыстатыһын туһунан суолталаах иһитиннэриигэ интэриэстээх судаарыстыба уонна эрэгийиэн былааһын уорганнарын кытта бииргэ үлэлэһиини өйүүр сыаллаах-соруктаах олоххи киирдэ.

1

Билигин бу этиллэр саайка хайыы үйэ Сахабыт сиригэр уонна өрөспүүбүлүкэ тас да өттүгэр “АЛРОСА” тэрийэн үлэлэтэр 70-тан тахса бырайыагын сиһилии билиһиннэрэр сибидиэнньэ, биидьийэ уонна хаартыска бэлиэр угуллан турар. Мантан салгыы бу саайка алмаас хампаанньатын атын да бырайыактара эр биир киллэриллэн иһиэхтэрэ диэн буолар. Манна даҕатан эттэххэ, “АЛРОСА” АХ (ПАО) хас сыл аайы 500-тэн тахса араас хабааннаах бырайыагы үлэлэтэр, үбүлүүр.

Хас биирдии бырайыак сирэйигэр бырайыагы олоххо киллэрии устуоруйата, бырайыак ис хоһооно ымпыгар-чымпыгар диэри суруллар. Тустаах бырайыагы туһанааччы (благополучатель) отчуота кытта баар буолар.

Ону таһынан бырайыак туһунан сиһилии билсиэн баҕалаахтарга анаан, контаактар бэриллибиттэр уонна кинилэри кытта сибээскэ тахсар анал халыып бэлэмнэммит.

Ону таһынан бу саҥа аһыллыбыт саайка хампаанньа социальнай уонна экология хайысхалаах үлэтин-хамнаһын туһунан наадалаах, актуальнай сонуннар эмиэ тахсыахтара.

“АЛРОСА” Аахсыйалаахтар хампаанньаларын генеральнай дириэктэрэ Сергей Иванов бу саайт туһунан маннык эттэ:

Настроение АЛРОСА

«Бу порталы оҥорорго ылсыах иннинэ биһиги хас да сыалы-соругу туруоруммуппут. Бастакыта – алмааһы хостооһунтан киирэр үбүнэн уонна хампаанньа эппиэтинэстээх сыһыаннаһыытынан олоххо киирэр кыахтаммыт саҥа социальнай тутуулар, туһалаах дьыалалар, көҕүлээһиннэр тустарынан уопсастыбаннаска анаан киэҥник иһитиннэрэр туһугар. Ыраах, чиэски сытар оройуоннарга баар былыргы, хаарбах уонна тымныы тутуулар оннуларыгар аныгы ирдэбилгэ эппиэттиир оскуолалар, балыыһалар тутуллан үлэҕэ киириилэрэ, оҕо сайыҥҥы сынньалаҥын тэрийии, эмтэнии төлөбүрүн уйунуу – бу барыта дьоҥҥо көмөлөөҕүн, туһалааҕын быһыытынан, биһиэхэ бэйэбитигэр – туһунан үөрүү.

Өссө биир сыалбыт буолар – дьону-сэргэни социальнай инфраструктура тиэмэтигэр тардыы, кинилэр бу боппуруоска көхтөөхтүк кытталларыгар ыҥырыы.

Саайка киирбит хас биирдии бырайыак отчуоттаах, ону сэргэ бырайыагы олоххо киллэриигэ эппиэттээх сирэйдэр хантаактара киллэриллибит. Ол аата, ким сэҥээрбит ол контаакка быһа тахсан, тутуу үлэҕэ киирэр болдьоҕун, аналын уо.д.а. туһунан ыйыталаһар кыаҕа толору бэриллэр. Бу курдук быһа сибээстэһии олохтонуута социальнай эбийиэктэр үлэлэрэ лаппа тупсарыгар олук буолуон эмиэ сөп».

Ааспыт 2019 сыл түмүгүнэн ыытыллыбыт PwC чинчийиитэ көрдөрбүтүнэн, социальнай инбэстииссийэҕэ кыттыыга “АЛРОСА” АХ бастакы миэстэҕэ сылдьар: бу сыалга хампаанньа сыл аайы, ортотунан ыллахха,   киллэринэр дохуотун 3 бырыһыанын ыытар. Ол курдук, биэнсийэ төлөбүрүн, эрэгийиэн сайдыытын бырагырааматын, ону тэҥэ үлэһиттэрин уонна кинилэр дьиэ кэргэннэрин корпоративнай социальнай бырагырааматын үбүлээһини киллэрэн туран, былырыын “АЛРОСА” социальнай инбэстииссийэҕэ 12 млрд солк. ыыппыт. Экология тэрээһиннэригэр ыыппыт ороскуота 7 млрд солк. куоһарбыт. Ону таһынан өссө Саха сирин араас таһымнаах бүддьүөттэригэр нолуок уонна дивиденд быһыытынан 65 млрд солк. чугаһыыр үбү ыыппытын эмиэ бэлиэтиир тоҕоостоох.

“АЛРОСА” АХ (ПАО) FTSE4Good диэн норуоттар икки ардыларынааҕы индекскэ кыттыытын тохтоппот, MSCI ESG диэн, экология, социальнай эппиэтинэс уонна корпоративнай салайыы эриэйтин тиһигэр хампаанньа BB эриэйтиннээх. Маны таһынан Бүтүн аан дойдутааҕы тыытыллыбакка турар Ийэ айылҕа (WWF) Арассыыйатааҕы пуондатын көҕүлээһининэн уонна РФ Айылҕа харыстабылыгар министиэристибэтин ПРООН(ГЭФ) бырайыагынан оҥоһуллубут, Арассыыйа хайаҕа хостуур үлэлээх хампаанньаларын ортотугар ыытыллар Экологическай эппиэтинэс эриэйтинигэр “АЛРОСА” бастыҥ 10 топ иһигэр сылдьар. Ону тэҥэ 2019 сылга, о.э. былырыын, хампаанньа түстэнэн үлэлиир эрэгийиэннэрин олохтоохторугар анаан социальнай бырайыактары олоххо киллэриитин иһин, “АЛРОСА” Diamond Empowerment Fund (DEF) бириэмийэни ылан турар.

Тарҕат:

Добавить комментарий

Бүтэһик сонуннар