Киирии

Киирии

Бу күннэргэ валюта кууруһа халбаҥныы аҕай турар. Арассыыйа социальнай-экэнэмиичэскэй сайдыытыгар, дуоллар кууруһа 64,7 солк. тэҥнэһиэ диэн сылыктыыллар. Инньэ гынан, өрөспүүбүлүкэ бүддьүөтүгэр дуоллар үрдээһинэ үчүгэйдик дьайыан сөп. Бу туһунан СӨ үпкэ миниистирэ Валерий Жондоров иһитиннэрэр.

“Арассыыйа социальнай-экэнэмиичэскэй сайдыытыгар биһиги кууруспут биир дуоллар иһин 64,7 солк. угуллан турар. Оттон билигин ити 58-59 солк. тэҥ. Сиртэн хостонор баайтан нолуок киириитэ уонна нолуок барыстаах чааһыттан киирэр үп билиҥҥи валюта кууруһуттан үрдүгүнэн ааҕыллан турар”, - диэн Жондоров этэр.

zond

Кини этэринэн, солк. кууруһа дуоллар иһин 57 солк. намыһах буоллаҕына, бүддьүөт туолуута күчүмэҕэйдээх буолуон сөп. Ол эбэтэр, төһөнөн солк. сууллар да, соччонон НДПИ нолуогун аччыыр куттала улаатан иһэр. Алмаастан киирэр НДПИ нолуога 100 % өрөспүүбүлүкэ бүддьүөтүгэр киирэр. Чохтон уонна кыһыл көмүстэн өрөспүүбүлүкэ 60 % ылар. 2017 сыллаахха кыһыл көмүстэн НДПИ 1,8 млрд солк. киирбитэ, оттон чохтон – 600 мөл. солк., алмаастан – 18 млрд солк.

“Тохсунньу-олунньу ыйдарга сырье ырыынагар уонна атыы көрдөрүүлэрэ куһаҕана суохтар этэ. Салгыы итинник салаллан истэҕинэ, үчүгэй сылыктааһыны тутан хаалабыт. Ааспыт сыллааҕар барыстан киирии нолуога үрдүк көрдөрүүлээх”, - диэн үп миниистирэ этэр.

Ол гынан баран, өскөтүн солк. өссө да сууллан истэҕинэ, бырамыысыланнастаах хампаанньалар үп кииритин уонна ороскуоттааһыннарын хос ааҕыныахтарын сөп. Кинилэр производство сайдыытын стратегиятынан хостуур кыахтарын тутан хаалыахтара.

Маныаха Валерий Жондоров валюта кууруһа халбаҥныырыттан ырыынак уларыйыыта тахсарын бырабыыталыстыба хонтуруоллуур, салайар кыаҕа суоҕун тоһоҕолоото.

Тарҕат:

Ырытыы  

Мухин василий никола
0 Мухин василий никола 11.04.2018 19:25
Доллар үрдүүрэ үчүгэй бөҕөтө,туох барыта долларынан эргинэ олорор,оччоҕо нефт атыыга барара биһиэхэ бэт буо
Ответить

Ырытыыгын суруй

Защитный код
Обновить