Бу күннэргэ Уһук Илин инвестицияҕа ааҕыныстыбата “Lapin Nahka Oy” диэн финн омук хампаанньатын кытта таба бородууксуйатын атыылыыр-атыылаһар туһунан кэпсэттэ.
“Финн урбаанньыттарын кытта төһө-хачча бородууксуйаҕа наадыйалларын быһаарыстыбыт. Күн бүгүн кинилэр Арассыыйаттан уонна Скандинавия дойдуларыттан сылга 100 тыһыынча кэриҥэ таба тириитин атыылаһаллар. Өр кэм устата бииргэ үлэлэһэр былааннаахтар. Биһиги кинилэргэ таба иитиитинэн дьарыктанар хаһаайыстыбалары булан биэрэбит”, - диэн ааҕыныстыба генеральнай дириэктэрин солбуйааччы Иван Новиков кэпсиир.
Новиков этэринэн, билигин ааҕыныстыба Саха сирин, Чукотка уонна Хамчаакка хаһаайыстыбаларын кытта сибээстэһэн эрэр.
