Войти

Войти

Премьер Андрей Тарасенко Саха сиригэр сылгыны иитии тула киэҥ ыҥырыылаах мунньаҕы тэрийэн ыыппыт. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.

Мунньахха сылгы иитиитигэр атахтыыр кыһалҕаларынан бородууксуйаны атыылаһыы уонна батарыы систиэмэтэ мөлтөҕүн, ыччат уонна идэлээх дьон тиийбэтин, ыраах учаастактарга тиэхиникэнэн хааччылллыы мөлтөҕүн эппиттэр. Маны таһынан, биир сүрүн кыһалҕаннан сылгы ыалдьара улааппытын, инньэ гынан миэстэтигэр ветеринарнай эми-тому оҥорор уолдьаспытын бэлиэтээбиттэр. “Өрөспүүбүлүкэ ити эмтэри тастан кэлэрин кэтээбэккэ бэйэтэ оҥоруон сөп. Маныаха биһиги хаһаайыстыбаны сайыннаран тугу ситиһиэхтээхпитин уонна бэтэринээрдэр хайдах үлэлиэхтээхтэрин чопчу өйдүөхтээхпит”, - диэбит премьер Тарасенко.

Билигин Саха сиригэр 183 тыһ. сылгы баар, ити дойду сылгытын 14% ылар, оттон Уһук Илиҥҥэ – 50%-тан тахса. 2020 сылга сылгы иитиитин өйүүргэ 330 мөл. солк. ыыппыттар, ол иһигэр федеральнай хааһынаттан эмиэ. Саха сиригэр 26 племенной сылгы иитиитинэн дьарыктанар хаһаайыстыба баар. “Тыа хаһаайыстыбатын сайыннарыыга стратегическай хайысхалар” диэн Ил Дархан Айсен Николаев уурааҕар олоҕуран, 2024 сылга диэри өрөспүүбүлүкэҕэ 200 типовой сылгы базата уонна собуота тутуллуохтаах, кинилэр саха сылгытын иитэн таһаарыахтаахтар.

Тарҕат:

Добавить комментарий

Бүтэһик сонуннар