Войти

Войти

Бу күннэргэ СӨ тутууга миниистирэ Павел Кылатчанов инстаграмҥа нэһилиэнньэ ыйытыыларыгар хоруйдаата.

Дьон, сүрүннээн, хаарбах дьиэттэн дьону көһөрүү уонна хаарбах дьиэттэн көһөр дьоҥҥо көрүллэр толуйуу харчы туһунан туоһуластылар. П.Кылатчанов иһитиннэрбитинэн, министиэристибэ Саха сиригэр барыта 1,156 тыһ. кв. м иэннээх эргэ дьиэни-уоту көтүрүөхтээх. Ону таһынан 2017 с. тохсунньутун кэннэ “хаарбах” дэммит, уопсайа 350 тыһ. кв. м иэннээх хаарбах тутууну эмиэ. Бырагыраама 2025 с. түмүктэниэхтээх, барыта 62 тыһ. киһи көһүөхтээх.

“2020 с. 109 тыһ. кв. м иэннээх дьиэ көтүрүллэн, 6 тыһыынча киһи көһүөхтээх. Эһиил ити көрдөрүү икки төгүл улаатыаҕа”, -- диир миниистир.

Эфир кыттыылаахтара “номнуо “хаарбах” дэммит дьиэни атыыласпыт дьон хайдах буолабыт?” диэн ыйытыыларыгар миниистир кинилэргэ саҥа дьиэ бэриллибэт эрээри, дьиэни атыыласпыт ороскуоттарын толуйуохпутун сөп диэтэ. “Ол гынан баран, кинилэр эмиэ саҥа кыбартыыраҕа тиксэллэрин курдук РФ Тутууга министиэристибэтин кытта үлэлэһэбит”, -- диир Кылатчанов.

Дьон-сэргэ кыбартыыра, дьиэ сыаната тоҕо ыараабытын эмиэ сураста. Миниистир ол, бастатан туран, тутуу тэрилтэлэрэ бырайыактаах үбүлээһиҥҥэ көһөннөр, кыттыгас, өлүүлэһэн тутааччылары (“дольщиктары”) кытыарбат буолбуттарын кытта сибээстээҕин эттэ. Иккиһинэн, сыана үрдээһинигэр кыра бырыһыаннаах Уһук Илин ипотеката киирбитэ улахан оруолламмыт. Ол түмүгэр дьиэ сыаната, быһа холоон, 8 %-нан үрдээбит.  

Тарҕат:

Добавить комментарий

Бүтэһик сонуннар