Войти

Войти

2021 сылга кэккэ улуустарга үүтү тутарга саҥа тыа хаһаайыстыбатын кээпэрэтииптэрин тэрийиэхтэрэ. Бу туһунан Ил Дархан суруналыыстары кытары көрсүһүү кэмигэр кэпсээтэ.

2020 сылга үүтү атыылаһарга сыананы субсидиялыырга 2 млрд 800 мөл. солк. көрбүттэр. Эһиил тыа сирин олохтоохторо үүтү туттарарга уонна сүөһү төбөтүгэр 4 млрд 115 мөл.солк. көрүөхтэрэ. Ити ааһан эрэр сыллааҕар 40%-нан элбэх. Ил Дархан этэринэн, саҥа судаарыстыбаннай механизм тыа сирин олохтоохторун уйгулара, дохуоттара улаатарыгар тирэх буолуохтаах. “Кэтэх хотонноох дьон олохтоох салайыныы уорганнарын көмөлөрүнэн биир кээпэрэтиипкэ түмсэллэрин ким да туорайдаспат. Миэхэ хас да баһылык кээпэрэтиип тэринэн эрэбит диэн биллэрбитэ. Кинилэр бэйэлэрин үптэринэн үүтү атыылаһарга бэлэмнэр. Ол эбэтэр, сүөһүлээх киһи төбөтүн иһин 35 тыһ. солк. ылар уонна эбиитин 30 солк. үүтү туттарар. Ити олус үчүгэй дохуот. Мин санаабар, бу саҥа сүүрээни урут маннык схемаҕа харчылаһан олорбут дьон утарылаһаллар”, - диэн Ил Дархан Айсен Николаев санаатын эттэ.

Тарҕат:

Добавить комментарий

Бүтэһик сонуннар