Войти

Войти

Тыа хаһаайыстыбатын министиэристибэтэ кыстыыр отторо тиийбэт хаһаайыстыбаларга атын улуустартан оту атыылаһан, тиэйн аҕалыыга кэккэ көмөлөрү оҥорор. Бу туһунан бырабыыталыстыба бэрэссэдээтэлин солбуйааччы Михаил Никифоров кэпсээбит.

 Кини этэринэн, былырыын сорох улуустар былааннаммыт кыстык отун кыайан толорботохтор. Эбиитин ааспыт күһүн тыа баһаардара тураннар, 2 тыһ. туонна курдук бэлэмнэммит от умайбыт. Инньэ гынан, ТХМ эмсэҕэллээбит хаһаайыстыбаларга оту атыылаһалларыгар биир кэмнээх көмөнү оҥорбут.

"Маны таһынан, биһиги ити атыылаһыллыбыт оту тиэйиигэ көмөлөһөбүт. Онуоха тыа хаһаайыстыбатын сайыннарыы бырагыраамматыттан үп көрдөрбүппүт. Онон тыа дьоно барахсаттар атын улуустартан уһата барбакка оту атыылаһыыга дуогабардаһан иһиэхтэрин наада. Ол тиэйтэриилэрин сорох чааһын биһиги бүддьүөттэн ылан кэмпэнсээссийэлиэхпит. Соторутааҕыта Эбээн Бытантай улууһугар Ньурбаттан оту тиэйбиттэрэ", - диэн зампред эппит.

Тарҕат:

Добавить комментарий