Киирии

Киирии

“АЛРОСА” АХ (ПАО) генеральнай дириэктэрэ Сергей Иванов салайааччылаах дэлэгээссийэ Зимбабвеҕа сырытта. Кини дойду бэрэсидьиэнэ Эммерсон Мнангагваны кытары көрсөн, Зимбабвеҕа алмаас көрдөөһүнүн уонна хостооһунун инвестициялыыр туһунан кэпсэттэ.

“АЛРОСА бэйэтин кэмигэр Зимбабвеҕа геология көрдүүр үлэлэрин ыытан турар. Биһиги ити дойдуга буола турар экэнэмиичэскэй, бэлитиичэскэй быһыыны-майгыны кыраҕатык кэтээн көрөбүт уонна, биллэн турар, бу дойду алмаас хостооһунун секторыгар ылар балаһыанньатын үөрэтэбит. Бэрэсидьиэни кытары бэрт сэргэ көрсүһүү ааста. Зимбабвеҕа алмааһы көрдүүргэ, хостуурга үлэлэһиэхпитин баҕарабыт, маныаха кыах да баар. Ол гынан баран, билиҥҥитэ ити ыра санаа эрэ, чопчу этиилэр, хамсаныылар тустарынан этэр өссө да эрдэ”, − диэн Эммерсон Мнангагваны кытары көрсүһүү түмүктэрин Сергей Иванов иһитиннэрэр.

АЛРОСА генеральнай дириэктэрэ маны таһынан Зимбабве хайа бырамыысыланнаһын миниистирин уонна Холбоһуктаах алмаас хампаанньа салалтатын кытары көрсүбүт.

Тарҕат:

Ырытыыгын суруй

Защитный код
Обновить

Бүтэһик сонуннар