"Якутскнедра" уопсайа аукциоҥҥа 75,2 мөл. солк. суумалаах биэс учаастагы атыылаата.
Кыайыылаахтарынан “Норд” ХЭУо, “Золото Ыныкчана” ХЭУо СА, “Чараҥ” ХЭУо, “Адыча” ХЭУо уонна “Артель старателей “Дражник”” ХЭУо буоллулар. “Норд” Өймөкөөн улууһугар Северикан үрэххэ техногеннай көмүс баайдаах сири 555 тыһ. солк. ылла. Уус Майдаҕа баар учаастагы “Золото Ыныкчана” 1,6 мөл. солк. атыыласта. “Чараҥ” Нерюнгри улууһугар баар “Пионер” учаастагы 5,1 мөл. солк. атыыласта. 5,3 мөл. солк. Үөһээ Дьааҥы улууһугар баар кыһыл көмүс баайдаах учаастагы “Адыча” атыыласта.
Саамай үрдүк сыаналаах учаастагы “Дражник” сүүйдэ. Бу уопсастыба Уус Майда улууһугар баар учаастагы баһылыырга 62,634 мөл. солк. атыыласта. Артыал Уус Майда улууһугар баар Звездочка бөһ. бэлиэтэммит, ырыынакка номнуо 20-с сылын үлэлиир, 9 лиссиэнсийэни бас билэр.
