Киирии

Киирии

“АЛРОСА” АХ Ньурбатааҕы хайаны байытар хампаанньатын дириэктэринэн Анатолий Платонов ананна. Кини хампаанньаҕа үйэ чиэппэриттэн ордук кэм үлэлиир. Бу туһунан хампаанньа пресс-сулууспата иһитиннэрэр.

Ньурбатааҕы ХБКны салайан олорбут Василий Курнев бочуоттаах сынньалаҥҥа таҕыста. Хампаанньа генеральнай дириэктэрэ Сергей Иванов Василий Тарасовичка отуттан тахса сыл эҥкилэ суох, бэриниилээхтик үлэлээбитин иһин махтанна уонна саҥа салайааччы эбээһинэһин чаҕылхайдык толороругар эрэнэрин биллэрдэ.


Анатолий Попов 1966 сыллаахха Ньурба Чаппандатыгар төрөөбүт. 1992 сыллаахха СГУну “Подземная разработка полезных ископаемых” идэлээх бүтэрбит. 1998 сыллаахха РФ Бэрэсидьиэнин иһинэн норуот хаһаайыстыбатын академиятын “Ырыынак усулуобуйатыгар экэниэмикэни салайыы” диэн үөрэҕи ааспыт.

1992-1996 сс. Айхаллааҕы ХБК “Юбилейнай” карьерыгар хайа маастарынан үлэлээбит. 1996-1998 сс. ити карьерга хайа учаастагын маастарынан үлэлээбит. 1998 с. Анаабырдааҕы ХБК сүрүннүүр инженеринэн анаммыт. 2004 сылтан ыла Айхаллааҕы ХБК сүрүннүүр инженеринэн үлэлээн кэллэ. СӨ Бэрэсидьиэнин грамотатынан уонна РФ Үпкэ министиэристибэтин махтал суругунан наҕараадаламмыт. СӨ үтүөлээх горняга.

Ыспыраапка:

Ньурбатааҕы ХБК 2000 сыллаахха тэриллибитэ уонна Ньурба улууһугар Накыыннааҕы алмаас баайдаах сири туһаҕа таһаарыынан дьарыктанар. Манна “Нюрбинская” уонна “Ботуобинская” кимберлит туруупката уонна алмаас бытархай боруодата баар. Кэмбинээккэ 1,5 тыһ. тахса киһи үлэлиир. Ааспыт сылга 7,7 мөл. караат алмааһы хостообуттар. Ити “АЛРОСА” хампаанньа бөлөҕүн хостуур алмааһыттан 19% ылар.

Тарҕат:

Ырытыыгын суруй

Защитный код
Обновить

Бүтэһик сонуннар