Киирии

Киирии

Ил Дархан эбээһинэһин быстах кэмҥэ толорооччу Айсен Николаев бүгүн бырабыыталыстыба чилиэннэрин кытары мунньахха, бүддьүөтү салайыыга “хирургическай сыһыан наада” диэн тоһоҕолоото.

“Бүддьүөккэ сыһыаннаах боппуруоһу быһаарарга "терапиялыы сыһыан" кэмэ номнуо ааспыт. Инньэ гынан, биһиги бүддьүөтү салайыыга хирургия ньыматын туһаныахпытын наада”, —диэтэ Николаев.

Онуоха Ил Дархан уонна бырабыыталыстыба дьаһалтата 7% сарбыллыыга барыаҕа. Маны таһынан, бары министиэристибэлэргэ уонна биэдэмэстибэлэргэ оптимизация ыытыллыа.

“Сарбыйыы хайаан да ыытыллыан наада. Итиннэ үлэ тэтимнээхтик барыахтаах. Бүгүҥҥү быһаарыныы 2019 сылтан ыла бүддьүөт инники кэскилин быһаарыахтаах”, — диэн Айсен Сергеевич тоһоҕолоото.

Маны таһынан, Владимир Путин ыам ыйынааҕы ыйааҕар сөп түбэһиннэрэн, өрөспүүбүлүкэ 2030 сылга диэри сайдар Тосхолун уларытарга сорудахтаата.

Айсен Николаев эппитинэн, өрөспүүбүлүкэ бүддьүөтүгэр уопсайа 13-15 млрд солк. үп тиийбэт. Урут бу сыыппараны 25 млрд солк. дииллэрэ. Билигин ити дьөлөҕөһү бүөлүүргэ эбии харчыны тобулаллар, ол иһигэр бүддьүөтү оптимизациялааһынтан.

Тарҕат:

Комментарии

Норуот киhитэ
+4 Норуот киhитэ 04.06.2018 16:50
Айсен Сергеевич, этиитин толорутук ылынабын уонна биhириибин
Ответить
Из Мирного
+3 Из Мирного 04.06.2018 17:02
Айсен Сергеевич, манна Мирнэйгэ саха элбээн турар эрээри НВК Саха трансляциялаабат. Сахалыы передачалар суохтар.
Ити "як24" диэн телеканал наар повторы эрэ биэрэр. Наар атын регионнар, Москва туhунан кэпсиир да ону ким да интэриhиргээбэт. Сонуннара олус кыра, сымсах. Сахалыы сонуннары истибэт буолан улаханнык хомойобут.
Ответить
Сарбыйыы
+2 Сарбыйыы 04.06.2018 20:40
Сарбыйыы наада. Чиновник наhаа элбэх. Холобур Санкт-Петербурга 3 массыыналаах, телевидениелаах представительство тугу гынарый?
Москва куоракка итиччэ улахан представительство туохха нааданый?
Эмиэ телевидениелаахтар туохха наадата суох.
Ответить
Гена
+1 Гена 05.06.2018 06:34
Министерсто гражданского общества тугу гынарый?
Урут министерство генофонда диэн баар этэ. Ол куддук дуо?
Хаhан алмаз, нефть баайдаах Саха сирэ киhилии олорор?
Ответить

Защитный код Обновить