Истиҥ эҕэрдэ
95 сааскын туолбуккунан!
- Подробности
- 2029
Күндүтүк саныыр аҕабыт, эһэбит, хос эһэбит, хос-хос эһэбит
Ларионов Петр Васильевиһы
Бу Орто дойдуга төрөөн-үөскээн 95 сааскын томточчу туолбут кэрэ-бэлиэ кэрдиис кэмҥинэн, Эйиэхэ истиҥ иэйиилээх иһирэх эҕэрдэбитин, уруйдаах алгыспытын тиэрдэрбитин көҥүллээ!
Бу үөрүүлээх үбүлүөйгүн бэлиэтиир дьоро күҥҥүнэн биһиги Эйигин мэлдьи кыһамньылаах үлэһит, олох кыһалҕатын өйдүүр, тулуурдаах, сымнаҕас майгылаах киһи быһыытынан үрдүктүк сыаналыыбыт уонна махтанабыт!
Киэҥ-холку, чиэһинэй, хайа да ыарахантан чаҕыйбат, ыктарыылаах да кэмҥэ ыгылыйбат майгыҥ, тулалыыр дьоҥҥор-сэргэҕэр эйэ дэмнээх дьиҥ чахчы доҕордуу сыһыаныҥ үтүө холобур буолар.
.
Эн, ханна да үлэлээтэргин, мэлдьи күүскүн-уоххун, сатабылгын барытын уураргын, үлэҥ-хамнаһыҥ ситиһиилээх буоларыгар мэлдьи туруулаһаргын үчүгэйдик билэбит.
Аймах-билэ дьонуҥ, үгүс атаһыҥ-доҕоруҥ махталынан арыаллатан, бар дьонуҥ истиҥ сыһыаннарынан кынаттанан өссө да уһун үйэлэн!
Оҕолоргор, сиэннэргэр дурда-хахха, күүс-көмө, эрэллээх эркин, тапталлаах аҕа,эһэ, хос, хос-хос эһэ буолаҕын.
Ыарыы ыалласпатын, дьаҥ-дьаһах халты хаамтын, үтүө ыраҥ туолан, санаабытыҥ ситэн истин диэн айхаллыыбыт уонна оҕолоруҥ-сиэннэриҥ тапталларыгар бигэнэн өссө да уһуннук, дьоллоохтук сүһүөҕүҥ үрдүгэр сылдьан үгүс дьоҥҥун үөрдэ сырыт!
Айыы киһитин сирдээҕи олоҕун ыйар үтүө санаалаах айыыларбыт -- Айыыһыт, Иэйэхсит -- араҥаччылаан сырыттыннар!
Дьокуускайтан, Майаттан, Хаптаҕайтан, Санкт-Петербуртан оҕолоруҥ, күтүөттэриҥ, кийиитиҥ, сиэннэриҥ, хос сиэннэриҥ, хос-хос сиэниҥ.