Войти

Войти

Истиҥ эҕэрдэ

Үбүлүөйгүнэн!

 

Бүлүү улууһун Илбэҥэтигэр олорор амарах аҕабыт, эйэҕэс эһэбит, хос   эһэбит

Дьячковскай Василий Степанович

үбүлүөйдээх 80 сааскын туолбут кэрэ-бэлиэ күҥҥүнэн итиитик-истиҥник эҕэрдэлиибит!

Аҕаҥ уоттаах сэриигэ былдьанан, эрдэ тулаайах хаалаҥҥын, сэрии, сут-кураан сылларыгар аас-туор, аччык олоҕу билбитиҥ, кыра сааскыттан араас үлэҕэ эриллибитиҥ.

Төрөөбүт дойдуҥ Кириэс Халдьаайы Ударнигар Дьоруой Федор Охлопков аатынан сопхуоска биир бастакы тырахтарыыһынан үлэҕин саҕалаан Дьокуускай нефтебазатын Илбэҥэтээҕи сапыраапкалыыр ыстаансыйатын ситиһиилээхтик салайан, салалта хайҕалын элбэхтэ ылан, Баппаҕаайы нэһилиэгин уопсастыбаннай үлэтигэр көхтөөхтүк кыттан «Бүлүү улууһун сайдыытыгар кылаатын иһин», «Үлэ бэтэрээнэ» бочуотунай бэлиэлэрин ылбыккынан, тыраассаҕа массыыналара алдьаммыт суоппардарга күүс-көмө буолан, дьон-сэргэ махталын ылбыккынан киэн туттабыт!

Күндү киһибит, барыбытыгар күүс-көмө, өйөбүл буоларыҥ иһин махтанабыт, кырдьыыга кыайтарбакка, чэгиэн, бигэ туруктаах өссө да уһуннук олороргор баҕарабыт!

 

Илбэҥэттэн, Дьокуускайтан кэргэниҥ Тамара Алексеевна, уолаттарыҥ Алексей, Степан, кыргыттарыҥ Айта, Таня дьиэ кэргэннэрэ, сиэннэриҥ, хос сиэннэриҥ.

Добавить комментарий

Истиҥ эҕэрдэ

  • Истиҥ эҕэрдэбитин этэбит

    Ытыктыыр киһибитин Анатолий Никитич Осиповы 80 сааскынан сүһүөхтээх бэйэбит сүгүрүйэн туран эҕэрдэлиибит!
    Эҕэрдэни кытары кытары оҕолоруҥ, кийииттэриҥ, күтүөтүҥ, сиэннэриҥ, хос сиэниҥ, аймахтарыҥ, чугас дьонуҥ!
  • Эҕэрдэ бастыҥын аныыбыт

    Таптыыр эдьиийбитин Маргарита Ильиничнаны 65 сааскынан эҕэрдэлиибит!
    Эҕэрдэни кытары Дьокуускайтан балтыҥ дьиэ кэргэнэ
  • 95 сааскын томточчу туолбуккунан!

    Ытыктабыллаах ПЕТР КОНСТАНТИНОВИЧ!
    Эҕэрдэни кытта: Гуринова А.Д., Ефимова З.П., Китаева М.Н., Посельская М.И., күтүөт Борисов Н.Е.
  • 75 сааскынан!

    Күн тэҥэ киһибит Антонина Александровна!
    Эҕэрдэни кытта Дьокуускайтан, Кириэс Халдьаайыттан, Бэстээхтэн оҕолоруҥ, кийиитиҥ, күтүөттэриҥ, сиэннэриҥ, хос сиэннэриҥ.