Киирии

Киирии

IMG 7704

Таатта улууһун Туора Күөлүгэр нэһилиэк олохтоохторун көҕүлээһининэн, “Сайдам” норуот айымньытын дьиэтин иһинэн Олоҥхо балаҕана арыллыбыта. Балаҕаны олохтоох биригээдэ тутан киллэрбит. Таатта сиригэр-уотугар талааннаах олоҥхоһуттар уутуйан үөскээбиттэрэ, онон маннык балаҕан арыллыбыта мээнэҕэ буолбатах. Туора Күөлгэ И.Н.Винокуров-Табаахырап, Н.Абрамов уо.д.а. курдук улуу олоҥхоһуттар үөскээн-төрөөн ааспыттара.

Олоҥхо балаҕаныгар күннэтэ нэһилиэк айар талааннаахтара араас куруһуоктарга сылдьан элбэххэ үөрэнэллэр, саха үгэстэрин сайыннарыыга кылааттарын киллэрэллэр.

Соторутааҕыта Намтан Т.Евсеева салайааччылаах “Эҥсиэли” оһуохайдьыттар түмсүүлэрэ Олоҥхо балаҕаныгар ыалдьыттаабыт. Бөлөх састаабыгар өрөспүүбүлүкэ «Дархан этээччитэ» В.В.Хорунов-Дьэргэлгэн, «Саха сирин үтүөлээх кынатчыта», П.П.Ядрихинскай-Бэдьээлэ аатынан «Олоҥхо дьиэтин» дириэктэрэ В.В.Колпашникова уо.д.а. бааллар. Бу күн Олоҥхо балаҕаныгар саха ырыатын-тойугун, олоҥхотун, оһуохайын тоҕо тардан кэбистилэр.

IMG 7686

Тарҕат:

Ырытыыгын суруй

Защитный код
Обновить