Киирии

Киирии

Бэс ыйын 23-24 күннэригэр Үс Хатыҥ сиригэр Дьокуускай куорат ыһыаҕа буолан ааста. Ыһыах уонна оһуокай быстыспат ситимнээхтэр.

“Оһуокай” уопсастыбаннай тэрилтэ өбүгэттэн утумнанан кэлбит оһуокайы кэлиҥҥи сылларга өрө тутан, хас биирдии улууска, нэһилиэктэргэ филиаллар арыллан ситиһиилээхтик үлэлииллэр. Ол түмүгэр сыллата ыытыллар куорат оһуокайын күрэҕэр кыттааччы элбээн иһэрэ, саҥаттан саҥа ааттар тахсан иһэллэрэ ону туоһулуур. Эдэр оһуокай этээччилэр элбээбиттэрэ, бу көлүөнэни көлүөнэ солбуйсуута тахсан иһэрин көрдөрөр. Быйылгы оһуокай Былатыан Ойуунускай төрөөбүтэ 125 сылыгар ананна, күрэххэ 30 этээччи кытынна. Манна түмүктүүр түһүмэххэ 20 Саха өрөспүүбүлүкэтин үтүөлээх этээччилэрин кытта биир Аар Дархан, сэттэ Дархан этээччилэр кытыннылар. “Аар Дархан” этээччи, 92 саастаах ытык кырдьаҕас Егор Михайлович Осипов сылын аайы кыттар.

IMG 20180627 WA0051

IMG 20180627 WA0050

IMG 20180627 WA0049

IMG 20180627 WA0048

IMG 20180627 WA0047

IMG 20180627 WA0039

Куорат оһуокайыгар бүтэһик түмүктүүр түһүмэххэ Матрена Порядина (Таатта), Айталина Мойтохонова-Сахаайта (Үөһээ Бүлүү), Руф Гаврильев (Ньурба), Валентин Хорунов (Нам) тахсан улахан, киэҥ түһүлгэни таһаардылар. Гран-при үрдүк аатын Тааттаттан төрүттээх, оҕо эрдэҕиттэн оһуокай тыынын кутугар-сүрүгэр чугастык ылыммыт Матрена Порядина-Күн Кыыһа ылан “ВАЗ-Приора” массыына хаһаайкатынан буолла. Манна сүрүн бирииһи оһуокай түмсүү кылаабынай спонсора ХЭТ “Туесок” туруорда. Кини сылын аайы оһуокай күрэҕин көтүппэт, буолар тэрээһиннэргэ өрүү көхтөөхтүк кыттар.

IMG 20180627 WA0054

IMG 20180627 WA0052

Түмүккэ, 1-кы миэстэни Айталина Мойтохонова-Сахаайта, 2-с миэстэни Руф Гаврильев, 3-с миэстэни Валентин Хорунов – Дьэргэлгэн ыллылар. Сылын аайы оһуокай күрэҕэр сүрүн бириистэри туруорар тэрилтэлэринэн ХЭТ “Туесок”, Сбербанк филиала, “Сибоил” хампаанньа (дир. С. Черных) буолаллар.

С. Багынанова

Тарҕат:

Ырытыыгын суруй

Защитный код
Обновить

Бүтэһик сонуннар