Киирии

Киирии

Олунньу 18 күнүгэр “Куруһаалаҕа” «ДАРХАН УУС» Саха сирин тимир уустарын IX сүрүн быыстапката буолан ааста. Тэрээһин өрөгөйдөөх аһыллыыта СӨ норуодунай артыыһа Герман уонна СӨ үтүөлээх артыыһа Клавдия Хатылаевтар салайар “Тэтим” этно-бөлөхтөрүн толоруутунан саҕаланна. СӨ Тимир уустарын сойууһун бэрэссэдээтэлэ Борис Неустроев-Мандар Уус алгыс тылын эттэ.

Дьүүллүүр сүбэни СӨ Тимир уустарын сойууһун бырабылыанньатын чилиэнэ, “Клинок”, “Арсенал” курдук норуоттар икки ардыларынааҕы анал быыстапкалар хас да төгүллээх кыайыылаахтара Сарыал Билюкин салайда. Дьүүллүүр сүбэҕэ СӨ Тимир уустарын сойууһун бэрэссэдээтэлин солбуйааччы Роман Готовцев-Мындыр Уус, “Дархан Уус” сүрүн быыстапкатын хас да төгүллээх кыайыылааҕа Василий Попов-Бааха Уус; аатырбыт асчыт Иннокентий Тарбахов, СӨ биллиилээх худуоһунньуга Дьулустаан Бойтунов, СӨ Айылҕа харыстабылын миниистирин солбуйааччы Николай Додохов уо.д.а. үлэлээтилэр. Быйыл «Дэгиттэр быһахха» тутулуга суох тургутааччы быһыытынан “Кыымаан” булт кулуубун бэрэсидьиэнэ Александр Тастыгин кытынна.

IMG 20180217 133924

         «Дархан Уус» IX сүрүн быыстапкатыгар Өлөөнтөн, Сунтаартан, Ньурбаттан, Үөһээ Бүлүүттэн, Бүлүүттэн, Кэбээйиттэн, Тааттаттан, Чурапчыттан, Уус Алдантан, Мэҥэ Хаҥаластан, Намтан, Хаҥаластан, Дьокуускайтан уонна кини чугаһынааҕы бөһүөлэктэртэн барыта 50-тан тахса уус кытынна.

Быыстапка киэргэлэ буолбут «Дэгиттэр быһах» күрэһигэр, кэннигэр 40 ууһу хаалларан, Чурапчы ууһа Анатолий Константинов бастаан таҕыста. Онон, үгэскэ кубулуйбут “Оскары” тэҥэ, тимир уустар анал быыстапкаларын тэрийбит Серафим Попов биир дойдулаахтарын – Дьокуускайга олорор Таатта харбалаахтарын түмсүүтүн аатыттан -- булт саатынан наҕараадаланна. 48 уус кыттыбыт «Бастыҥ ас быһаҕа» көрүҥҥэ Үөһээ Бүлүү ууһа Павел Константинов ааттанна. «Бастыҥ уус-уран оҥоhуулаах быhах» көрүҥҥэ 11 маастар кыттыбытыттан, Таатта талааннааҕа Сергей Тарабукин бастаата.

        IMG 20180217 125357

«Дархан Уус» быыстапканы СӨ Тимир уустарын сойууһа уонна бу тэрээһини аан бастаан саҕалаабыт С.В. Попов доҕотторо, СӨ Култууратын министиэристибэтэ уонна таатталар Дьокуускайдааҕы түмсүүлэрэ тэрийэллэр.

«Дархан Уус»  быыстапка түмүгэ 

 G8B3715

«Бастыҥ уус-уран оҥоһуулаах быһах» (11 кыттааччы)

1 м. Сергей Тарабукин (Таатта)

2 м. Яков Данилов (Таатта)

3 м. Сергей Петров (Дьокуускай)

«Бастыҥ ас быһаҕа» (48 кыттааччы)

1 м. Павел Константинов (Үөһээ Бүлүү)

2 м. Елисей Баишев (Мэҥэ Хаҥалас)

3 м. Иван Тимофеев (Ньурба)

«Дэгиттэр быһах» (40 кыттааччы)

1 м. Анатолий Константинов (Чурапчы)

2 м. Александр Терентьев (Хатас)

3 м. Петр Аргунов (Нам)

Гаврил АНДРОСОВ,

«Дархан Уус» быыстапка пресс-сэкирэтээрэ

Тарҕат:

Комментарии

Защитный код Обновить