Киирии

Киирии

Алтынньы 31 күнүгэр Сайа “Хоһоон уонна Хомуһун” диэн айар киэһэтэ “Сэттис халлаан” рестораҥҥа үрдүк таһымҥа, кэлбит дьон ытыстарын тыаһын истиҥ доҕуһуола аргыстанан ааста. Урукку өттүгэр хоһоон, хоһоонньут түһүлгэтэ диэҥҥэ маннык билиэккэ тиксии суох буолуоҕар диэри дьон тоҕо анньан кэлэрэ суох этэ. Саха дьоно поэзияны өйдүүллэрэ, биһирииллэрэ оччо диибит дуу, Сайа бэйэтин аата оччо тардыылаах дуу?

Рестораҥҥа буолар тэрээһин сценаҕа буолардааҕар уратыта элбэх: астаах остуолга олорор дьон болҕомтотун тардыы тустаахха сүрдээх кытаанаҕа сэрэйиллэр. Сайа доҕотторо Георгий Белоусов, Саарын, дьүөгэлэрэ Сунтаар Күөрэгэйэ, Хадаана, Дунаайа, Санита Ай, СӨ үтүөлээх артыыһа Феодосия Шахурдина кыыһа, быйыл Юрий Башмет оркестрыгар талыллан киирбит скрипач Дария Шахурдиналыын айар киэһэ өрө көтөҕүллүүлээхтик барарыгар төһүү буоллулар. Сайа бэйэтин хоһооннорун доргуччу уонна иэйиилээхтик өйүттэн ааҕара кими барытын сэргэттэ, ону таһынан кини айар үлэһит, саха киһитин быһыытынан санааларын аһаҕастык үллэстибитэ кэрэхсэллээх.

PHOTO 2018 11 01 12 30 48 1

PHOTO 2018 11 01 12 30 48

PHOTO 2018 11 01 12 30 50 1

PHOTO 2018 11 01 12 30 50

Аһыыр сиргэ айар талааннаахтары истии, көрүү холобурдара историяҕа элбэх. “Сэттис халлаан” үлэтигэр бу курдук сонун сүүрээн киирбитэ дьону угуйара-умсугутара көһүннэ, онон саҥа тэрээһиннэри күүтэбит.

PHOTO 2018 11 01 12 30 51

Сайа киэһэтигэр сылдьыан баҕалаах олус элбэх буолан, бүгүн иккис киэһэ эбии тэриллибитэ. Ситиһиини баҕарабыт!

Дайар СУҺУМ.

Тарҕат:

Ырытыыгын суруй

Защитный код
Обновить

Бүтэһик сонуннар