Войти

Войти

2019 сыл – Арассыыйаҕа тыйаатыр сыла

Саха сиригэр тыйаатыр Алампа, Былатыан Ойуунускай, Күлүмнүүр, Николай Неустроев, Иван Гоголев, Сиэн Чолбодук, Харысхал уо.д.а. биллэр-көстөр улуу, чулуу айар эйгэ дьонун ааттарын кытта ыкса ситимнээх. Оттон улуустарга, нэһилиэктэргэ, оскуолаларга тыйаатыр араас көрүҥэ эмиэ туһунан баай кэпсээннээх, киэн туттар дьонноох. Уруккуну сырдатар, билиҥҥини кэпсиир, тыйаатыр айар үлэтин оҕолор иһиттэн биллиннэр диэн соруктаах бу күрэһи ыытабыт.

Күрэс маннык хайысхалардаах:

  • “Тыйаатыр эгэлгэтэ”: оскуолаҕа, нэһилиэккэ, улууска баар тыйаатырдар тустарынан суруйуу (холобур, драма, куукула, дьээбэ-хообо, пантомима, устуудьуйа, үҥкүү, поэзия, о.д.а. тыйаатырдар);
  • “Быыс сабыллыбытын кэннэ...”: испэктээги көрөн баран бэйэ санаатын суруйуу, ырытыы (рецензия);
  • “Айар-тутар үтүө аат”: артыыһы, режиссеру, сценариһы, тыйаатыр идэлээхтэри кытта атах тэпсэн олорон кэпсэтии (интервью);
  • “Афиша”: уруһуйдуур, көмпүүтэр араас ньыматынан үлэлиир оҕолорго испэктээккэ афишаны оҥорорго сорудах.

Күрэс ирдэбиллэрэ:

  • Биир оҕо хас да хайысхаҕа кыттыан сөп;
  • Хаартысканы тиэкис иһигэр укпаккыт;
  • “Афиша” хайысхаҕа электроннай да, кумааҕы да көрүҥүнэн тутабыт;
  • Тиэкистэр сахалыы шрифтээх буолаллара булгуччулаах;
  • “Хатан” сурунаалга араас сылларга тахсыбыт ыстатыйалары табыгастаахтык киллэрэн туһанаргыт булгуччулаах.

Түмүгү таһаарыы:

  • алын кылаастар, орто уонна улахан кылаастар диэн 2 бөлөххө арааран түмүк тахсар;
  • кыайыылаахтар, биһирэм миэстэҕэ тиксибиттэр добун суругунан уонна бирииһинэн бэлиэтэнэллэр;
  • кыттыы иһин туоһу сурук электроннай көрүҥүнэн ыытыллар (оҕолорго, салайааччыларга);
  • түмүк 2019 сылга “Хатан” сурунаалга, Вконтакте бөлөхпүтүгэр, kyym.ru ситим сиргэ тахсар;
  • киирбит үлэлэртэн талан “Хатан” сурунаалга бэчээттиэхпит.

Эдэр кэрэспэдьиэннэр, үлэҕитин 2019 сыл олунньу 1 күнүгэр диэри тутабыт: Этот адрес электронной почты защищён от спам-ботов. У вас должен быть включен JavaScript для просмотра.; Дьокуускай к., Киров уул., 18, Бизнес-киин, В блок, 709-с хос. Билсэр төлөпүөҥҥүт: 34-47-40.

 

Тарҕат:

Комментарии

Защитный код Обновить