Киирии

Киирии

Ылсыбыт эрэ барыта үҥкүү үрдүк үктэлин баhылаабат. Кини алыптаах күүhүн, эрчимин көрөөччүгэ тиэрдии – сүрдээх уустук дьарык. Билиҥҥи үҥкүү эйгэтигэр наардааhын баар. Көрөөччү ирдэбилэ биллэ улаатта.Ол иһин, үҥкүүгэ, ордук кэрэхсэммиттэр, талааннаахтар-тыыппалаахтар эрэ хаалаллар.

Маннык түгэннэргэ, кэм кэрдиитигэр, Мииринэйдээҕи «Кустук» үҥкүү ансаамбыла, чиҥ балаhыанньалааҕын туоһулаата. Соторутааҕыта «Кустук» ансаамбыл «Алмаас» култуура уораҕайыгар кэнсиэртээтэ.Бу - көннөрү кэнсиэр буолбатах.

35 сыллаах өрөгөйдөөх үбүлүөйү кэрэһэлиир дьоһуннаах түһүлгэ.

mir1

Бастатан туран, “Кустук” ансаамбылы 1983 сыллаахха төрүттээбит киһини – Саха Өрөспүүбүлүкэтин култууратын үтүөлээх үлэһитэ Анатолий Филипповы ахтан аастылар.Хомойуох иһин, А.Филиппов айар үлэтин үгэнигэр сылдьан, ыарахан ыарыыттан суох буолбута.

mir2

Анатолий Филиппов Саха сирин бөдөҥ бырамыысалыннастаах оройуонугар соҕотох саха ансаамбылын тэрийбитэ. Норуот ансаамбыла аатын ыларын ситиспитэ. Билигин “Кустугу” талааннаах уһуйааччы Елена Семеновна Васильева салайар.

mir3

Үҥкүүлэрин ис хоһооно, эгэлгэтэ, баайа, уларыйа, сайда турар.

mir4

Киhи дууhатыгар сылаастык киирэр толоруулар баар буолуталаатылар. Биир күүстээх өрүттэрэ – хас биирдии үҥкүүһүт уустук ускуустуба кистэлэҥнэрин баһылааһына.

mir5

Yөрэн мичийбит эдэр үҥкүүһүттэр толорууларын көрөн киhи саппаҕырбыт санаата үрэллэр, сүрэхтиин-быардыын манньыйар, көнньүөрэр.

mir6

mir8

Бу бүтүн Мииринэй куорат киэн туттар ансаамбылын өрөгөйдөөх үбүлүөйүгэр “Иэйии”, “Айылгы”, “Ситим” диэн ааттаах, дьиҥ сахалыы тыыннаах уус-уран бөлөхтөр кыттыыны ыллылар. Кэнсиэргэ сүрдээх эрчимнээх киһи санаатын көтөҕөр ырыаны толорбут, бырааттыы Архиповтары саала дохсун ытыс тыаһынан атаарда.

mir7

mir9

Бу ини-бии уолаттар хас кэнсиэр ахсын куоластара чөллөрүйэн, аhыллан иһэрэ үөрдэр. Онон үҥкүү түhүлгэтигэр кэлбит дьон олус астынна, дууһалыын чэпчээтэ.Эдэр үҥкүүһүттэр да, ырыаһыттар да бу киэһэ табылыннылар.

mir10

Култуура дыбарыаһын саалата – тобус-толору. Кэтэмэҕэйдээбэккэ эттэххэ, биhиги , сахалар ырыа-тойук куттаах дьоммут.

mir11

Yчүгэй үҥкүүттэн мэктиэтигэр үтүөрэр, санаабыт чыпчаала үрдүүр чараас эйгэлээхпит.Кэнсиэр кыттыылаахтарын Мииринэй олохтоохторо ытыстара хабылла сыhыар, күөмэйдэрэ кэhиэҕириэр диэри айхаллаатылар.

mir12

mir13

«Кустук» ансаамбыл олус кэрэ, истиҥ иһирэх киэhэни бэлэхтээтэ.

Станислав Алексеев, Мииринэй куората.  Ааптар хаартыскалара.    

Тарҕат:

Комментарии

Петров Нюрба
+2 Петров Нюрба 03.12.2018 19:30
Оо, эчи үчүгэйин!
Ответить
һөҕүҥ
+1 һөҕүҥ 04.12.2018 06:56
:D Һанааны манньыттылар.
Ответить

Защитный код Обновить

Бүтэһик сонуннар