Киирии

Киирии

Дьикти кэрэ айылҕалаах, сиртэн хостонор баайдаах: тунал маҥан туустаах, эриэккэс эмтээх былыыктаах, цеолит таастаах, хара таас чохтоох Сунтаар улууһун Кэмпээндээйи нэһилиэгин күннэрин чэрчитинэн ыытыллыбыт дьоро киэһэ ахсынньы 14 күнүгэр, Өксөкүлээх Өлөксөй аатынан Норуоттар Доҕордоһууларын Дьиэтигэр бэрт таһаарыылаахтык буолан ааста. Сахабыт сирин ураты кэрэ айылҕалаах сирэ дьоннуун-сэргэлиин Кэрэни кэрэхсииллэрин Туймаада туонатын дьоно-сэргэтэ сөҕө-махтайа көрдүбүт.

Кэмпэндээйи дьоно бары талбыт курдук талба талааннаахтарынан сөхтөрдүлэр. Оҕотуттан оҕонньоругар, эдэриттэн эмээхсинигэр тиийэ, эстрада сулустарыттан туох да уратыта суох, үйэлээх саастарын тухары сыанаттан түспэтэх курдук ырыаны-үҥкүүнү оройуттан туттулар.

DSC 0435

Кэнсиэр иннинэ, Норуоттар Доҕордоһууларын Дьиэтин фойетыгар Кэмпэндээйи уран уустарын оҥоһуктара, аатырбыт цеолит таастан, туустан бородууксуйа, ас-үөл быыстапка-дьаарбаҥката турда.

DSC 0439

Кэмпэндээйи нэһилиэгин баһылыга Александр Романович Игнатьев кэнники сылларга нэһилиэк социальнай-экэнэмиичэскэй эйгэтигэр туох күүрэннээх үлэ барбытын видеонан отчуоттаата, куоракка олорор биир дойдулаахтара ону биһирээн ытыс тыаһын утары ууннулар.

DSC 0443

 

Ол кэннэ нэһилиэк олоҕор сэмэй кылааттарын киллэрбит биир дойдулаахтарыгар махтал суруктары уонна бэлэхтэри туттартаата. Маны таһынан, норуот маастардарын бэлиэтин иҥэрдэ. СӨ Култууратын туйгунугар, кулууп дириэктэригэр Анна Тотоноваҕа Кэмпэндээйи нэһилиэгин Бочуоттаах аата иҥэрилиннэ. Анна Фомична сатабыллаах салайыытынан быйыл кулууп дьиэтэ тупсаҕай гына өрөмүөннэммит, нэһилиэк дьонун барыларын атахтарыгар туруортаан ааттаах үҥкүүһүт, сыанаттан түспэт ырыаһыт гына “оҥортообут”. Кэрэни кэрэхсиир киһи хаһан да кэхтибэт бэлиэтин Анна Фомична сөптөөхтүк өйдөөн нэһилиэккэ саҥа, сэргэх сүүрээни киллэрбитэ атыттарга холобур буолуон сөп.

DSC 0447

DSC 0454

DSC 0459

"Сахам алаадьыта" үҥкүүнэн түһүлгэ ыалдьыттарын алаадьыннан күндүлээтилэр, салгыы "Сахам далбар хотуннара" диэн үҥкүүнэн көрөөччүлэри сөхтөрдүлэр.

DSC 0463

DSC 0467

 

Аҥардас таҥастарын дьон-сэргэ сөҕө-махтайа көрдө. "Бэс Чагда" орто саастаах кэрэ аҥардар бөлөхтөрө тэтимнээх узбектыы уонна намыын хаар үҥкүүтүн кэрэтик эргитэн кэбистилэр. Кэнсиэр түмүгэр норуоттар доҕордоһууларын туоһулуур бэрт сэргэх үҥкүүнэн былааһы ылан кэбистилэр. Эр дьон Кэмпэндээйи туһунан патриотическай ырыаларын саалаҕа мустубут дьон тэбис-тэҥҥэ ыллаһа олордулар.

DSC 0482

 

DSC 0497

DSC 0506

DSC 0516

DSC 0518

DSC 0524

DSC 0540

DSC 0546

DSC 0550

DSC 0567

Кэнсиэр быыһыгар киирии билиэттэринэн Кэмпэндээйи эмис этэ, сибиэһэй сордоҥо, мас көтөрө, куобах, ювелирнай оҥоһуктар уо.д.а. оонньоннулар. Сааамай улахан бирииһи – үс кырамахтаах киис тириитин сүүйбүт ыалдьыкка нэһилиэк баһылыга туттарда.

DSC 0572

DSC 0579

DSC 0585

Бу курдук, кэрэни кэрэхсиир Кэмпэндээйи талааннаах дьоно Туймаада туонатыгар бэрт сэргэх тэрээһини бэлэх ууннулар.

Тарҕат:

Комментарии

Защитный код Обновить

Бүтэһик сонуннар