Киирии

Киирии

2018 сыл Мөҥүрүөн нэһилиэгэр Саха АССР үтүөлээх артыыһа Яков Прокопьевич Кычкин төрөөбүтэ 100 сылыгар ананна.

Ол курдук, сыл устата өрөспүүбүлүкэтээҕи  оскуола оҕолоругар аналлаах "Синяя птица" күрэс, үс улуус холбоһон Үрүҥ Тунах ыһыах   ыытыллыбыта. Бу тэрээһиннэри түмүктүүр ахсынньы ый саҕаланыыта П.А. Ойуунускай аатынан  Саха тыйаатырыгар Яков Прокопьевич Кычкин 100 сааһыгар аналлаах кэриэстэбил биэчэргэ Мөҥүрүөн нэһилиэгин култууратын киинин иһинэн үлэлиир Дэгэт уус уран устуудьуйа Суорун Омоллоон Күөх Көппө комедиятыттан аныгылыы матыыптаах быһа тардыыны көрдөрдүлэр. Бу испэктээк Михаил  Михайлович Апросимов СӨ үтүөлээх артыыһа режиссёрдаах, Мөҥүрүөн нэһилиэгин култуура киинин үлэһиттэрин көмөтүнэн туруорулунна. Ону тэҥэ Яков Прокопьевич Кычкин туһунан кинигэ сүрэхтэннэ. Бу кинигэни  Степан Николаевич Доллу  редакциялаан таһаарда. Биир дойдулаахтарбыт Галина Федотовна Кычкина, чугас аймаҕа, балта, олохтоох библиотека салайааччыта Лена Львовна Андросова кинигэ матырыйаалын бэлэмнээбиттэрэ.
Мөҥүрүөннэр улахан сыанаҕа тахсартан чаҕыйбакка, дьон-сэргэ иннигэр чаҕылхайдык кыттан көрөөччү кутун туттулар. Сүрүн оруолларга Күөх Көппө Мэҥэ Хаҥалас уус-уран самодеятельноһын артыыһа Константин Марков, Топпот Өндөрөй -Христофор Слепцов, Кууһума -Александр Максимов, Киринньэ - Дмитрий Лыткин, Салҕан Эмээхсин - Светлана Кычкина, Дьэбдьиэ- Прасковья Григорьева, Дьөгүөр-Дмитрий Ченянов, Дьиэрэҥкэй үҥкүү ансаамбыла, ырыаһыттар Прасковья Десяткина, Марфа, Рустам Аталларовтар, звукооператор Мария Кычкина, сценарист Елена Андросова, режиссёр көмөлөһөөччүтэ Матрёна Олесова уо.д.а. кыттыыны ыллылар.
Мөҥүрүөнтэн төрүттээх, айылҕаттан талааннах сүдү киһи аатын ааттатар тэрээһини кини үлэлээбит кэллэктиибэ, чуолаан биир дойдулааҕа Данил Петрович Марков өйөөн, биир дойдулаахтара ис сүрэхтэриттэн кыһаллан туруорбуттара кэнэҕэски ыччакка өйдөбүл уонна тирэх буолуоҕа.

Вероника Александрова

Тарҕат:

Комментарии

МС
0 МС 19.12.2018 12:38
Кыратык эрэдээксийэлии түһүөх баар эбит
Ответить

Защитный код Обновить

Бүтэһик сонуннар