Киирии

Киирии

СӨ Национальнай бибилэтиэкэтэ, уран сурук П.А. Ойуунускай аатынан түмэлэ, Таатта улууһун дьаһалтата, СӨ норуодунай суруйааччыта С.Т. Руфов уонна М.С. Арбыкина пуондалара ССӨС Суруналыыстарын уонна СӨ Суруйааччыларын сойуустарын чилиэннэрэ, Таатта улууһун Уолба нэһилиэгин бочуоттаах гражданина Иннокентий Давыдович Винокуров кинигэлэрин билиһиннэрии дьоро тэрээһинигэр ыҥыраллар.

Кинигэлэри суруйааччы оҕолоро СӨ Национальнай бибилэтиэкэтигэр бэлэх ыыппыттар. Иннокентий Давыдович, Саха сириттэн эрдэ баран, өр сылларга Ярославль куоракка олорбут. Отуттан тахса кинигэлээх, онтон сэттэтэ сахалыы. Идэтинэн тутааччы, 88 сааһыгар 2018 сыллаахха олохтон туораабыта.

Тэрээһин буолар кэмэ: олунньу 5 к., 16 ч.; сирэ: СӨ Национальнай бибилэтиэкэтэтин былыргы саалата.

Тарҕат:

Комментарии

Защитный код Обновить