Киирии

Киирии

Эдуард Новиков уһулбут “Тойон кыыл” киинэтэ аны International Nature Film бэстибээл кыайыылааҕынан ааттанна.

Киинэ “Хрустальный слон” диэн саамай бастыҥ уус-уран киинэҕэ бэриллэр анал бириэмийэни ылла.

Бу бэстибээл Индияҕа Керал штатын Муннар куоратыгар тохсунньу 25-27 күннэригэр буолбут. Маннык киинэ бэстибээлэ аан бастакытын ыытыллыбыт. Бэстибээли Birds Club диэн 2010 сылтан ыла үлэлээбит норуоттар икки ардыларынааҕы кулууп тэрийбит. Бу кулуубу Индия биллэр режиссера Джаярадж Раджасекхан Наир диэн киһи төрүттээбит. Тэрээһин сыала – тулалыыр эйгэни харыстыырга уонна көтөрдөргө болҕомтону уурарга угуйуу.

Санатар буоллахха, “Тойон кыыл” премьерата былырыын муус устарга буолбута уонна аан дойдуга сураҕырбыта. Москубатааҕы киинэ бэстибээлигэр бастыҥнар кэккэлэригэр киирбитэ, “Киһи уонна айылҕа” бэстибээл кылаан бирииһин уо.д.а. ылбыта.

Тарҕат:

Комментарии

Защитный код Обновить