“Виртуозы Якутии” СӨ скрипачтар судаарыстыбаннай ансаамбыллара 25 сыллаах үбүлүөйүн бэлиэтиир.
1994 сыллаахха кулун тутар 1 күнүгэр СӨ муусука үрдүкү оскуолатын арыллыытыгар, 6-8 саастаах скрипач оҕолор көрөөччү иннигэр аан бастакытын оонньообуттара. Ол кэмтэн ыла номнуо 25 сыл ааһа оҕуста.
Ансаамбыл ситиһиитэ:
— 25 сыл устата 2000 тахса кэнсиэри көрдөрдө.
— Европа, Азия, Хотугу уонна Соҕуруу Америка, дойду бары федеральнай уокуруктарыгар, уопсайа 28 дойдуга кэнсиэрдээтэ.
— Аан дойдутааҕы таһымнаах 7 күрэс кыайыылааҕынан буолбута.
— АХШ 4 төгүл гостуруоллаабыта (20 штатка).
— Нью Йорк куоракка Карнеги Холлга уонна Вашингтонҥа Арассыыйатааҕы култуура киинигэр кэнсиэрдээбиттэрэ.
— Санкт-Петербург куоракка 76 кэнсиэрдээбиттэрэ.
— 2018 сыл сэтинньи 14 күнүгэр Санкт-Петербургтааҕы филармония аччыгый саалатыгар айар кэнсиэртэрэ буолбута. Ол түмүгүнэн ансаамбыл норуоттар икки ардыларынааҕы култуура форумугар ыҥырыллыбыта.
—Москубаҕа 60 кэнсиэр көрдөрбүттэрэ.
2010 сыллаахтан СКОР (Союз концертных организаций России) чилиэнэ. Ансаамбыл үбүлүөйдээх сылын Алдан куоракка кэнсиэринэн саҕалаата. Кулун тутар-муус устар ыйдарга Мексикаҕа уонна АХШ (12 кэнсиэр) гостуруоллуур былааннаахтар.
