Үүнэр көлүөнэ тыйаатыра артыыстар төрөөбүт улуустарыгар, “С любовью к зрителям” диэн Тыйаатыр күннэрин ыытар.
Ол курдук, олунньу 9-13 күннэригэр Томпо улууһугар гостуруоллаатылар. Манна “Щелкунчик и Мышиный король” диэн остуоруйаны көрдөрдүлэр. Томпо улууһуттан төрүттээх тыйаатыр артыыстарын, СӨ култууратын туйгуна Мира Охлопкованы уонна Евгений Шамаевы кытта көрсүһүү буолла.
Олунньу 8-19 күннэригэр Кэбээйи улууһугар ыалдьыттаатылар. Манна И.Егоров “Ытык Ийэ” испэктээкилин көрдөрдүлэр. Сиэгэн-Күөл нэһилиэгиттэн силис тардыылаах, СӨ култууратын туйгуна Георгий Бессоновы көрөөччүлэр дохсун ытыс тыаһынан көрүстүлэр.
Олунньу 15 күнүттэн Нам улууһугар гостуруоллууллар. Бу тыйаатыр биир эдэр артыыһа Настя Иванова биһигин ыйаабыт сирэ буолар. Манна “Щелкунчик и Мышиный король” диэн Гофман остуоруйатын көрдөрдүлэр. Туруорааччы СӨ үтүөлээх артыыската Валентина Якимец. Артыыстар испэктээкил кэнниттэн оскуола үөрэнээччилэрин кытта көрүстүлэр. Ону таһынан, көстүүмнэр, афишалар быыстапкалырын тэрийдилэр, артыыстар туһунан устуулары көрдөрдүлэр.
